Author: misbah116@hotmail.com

بوڑھے صادق حسین کی زندگی میں خوش گوار تبدیلی آئی تھی۔ اِس سے پہلے کہ میں آپ کو اِس تبدیلی کے بارے میں کچھ بتائوں، اِس سے پہلے صادق حسین کی سابقہ زندگی کے بارے میں بتانا ہوگا، ورنہ یہ افسانہ جھول کا شکار ہوجائے گا اور میں ایسا ہرگزنہیں چاہتا۔
یہبتاتا چلوں کہ صادق حسین کو ریٹائر ہوئے دوسال ہوگئے ہیں۔ بیوی پانچ سال پہلے فوت ہوگئی اور دونوں بچے اپنی گوری بیویوں کے ساتھ کینیڈا مقیم ہیں اوروہ آخری بارپانچ سال پہلے آئے تھے۔ اب کبھی کبھاراُن کا فون آجاتا ہے اور صادق حسین کی زندگی دوٹیلی فونز کے درمیانی وقفے میں معلق رہتی ہے۔
صادق حسین ریٹائر ہوئے تو پھر بھی ایک آدھ دن چھوڑ کر دفتر چلے جاتے۔ پرانے دوستوں سے ملاقات ہوجاتی اور ان کا دل بہل جاتا۔ پھر رفتہ رفتہ انہیں محسوس ہوا کہ دفترکے لوگ اب ان سے تنگ آتے جارہے ہیں، جیسے وہ دفتر جاکراُن کے کام میں مخل ہوتے ہیں تو انہوں نے دفترجانا چھوڑدیا۔ گھر کا زیادہ تر کام پرانی ملازمہ نسرین کردیتی تھی۔ صادق صاحب صبح اُٹھتے ، ناشتا کرتے، اخبار پڑھتے اور یوں ہی ٹی وی پر چینل بدلتے رہتے ایک آدھ چکر گلی کا لگا کر آجاتے اور پھر سہ پہر تک بستر پر کروٹیں بدلتے رہتے ۔ سہ پہر کو وہ گھر سے تھوڑی دور واقع پارک میں جاتے۔ وہ واک بہت کم کرتے تھے، بس ایک بنچ پر بیٹھ کر بچوںکو کھیلتے ہوئے اور باغ میں اُڑتے پرندوں کو دیکھتے ۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
وہ اکثر سوچتے کہ کا ش وہ بھی بچے ہوتے اور بچوں کے ساتھ کھیلتے یا پھر پرندہ ہوتے اور ایک قطار میں اُڑا کرتے، لیکن وہ تو ایک تنہا اُداس بوڑھے تھے کہ جس سے سارا دن کوئی بات نہیں کرتا تھا۔ انہوں نے اپنی تنہائی کم کرنے کا یہ حل نکالا کہ اب وہ ہرشے سے باتیں کرنے لگے۔ مثلاً گھر کی دیواروں سے، برتنوں سے، کتابوں سے ،ٹی وی سے۔ غرض یہ کہ گھر کی ہر چیز سے باتیں کرنے لگے۔
اُن کے ڈرائنگ روم کی دیوار میں دراڑ پڑتی جارہی تھی۔ وہ روز اس دیوار سے باتیں کرتے، اور اسے حوصلہ دیتے ہوئے کہتے:
’’پریشان نہیں ہونا! ٹوٹناہرگز نہیں۔ اِس دفعہ پنشن ملتے ہی میں مستری کو لائوں گا۔ تم بس خود کو مضبوطی سے تھامے رکھو۔‘‘
اگر کبھی چائے کا کپ گندا پڑا رہ جاتا تو خود ہی بڑبڑاتے:
’’افوہ! آج نسرین نے تمہیں دھویا نہیں۔ کتنے میلے ہوگئے ہو، آئو میں تمہیں کچن میں چھوڑ آئوں،کل نسرین کو آتے ساتھ ہی کہوں گا کہ سب سے پہلے وہ تمہیں دھوئے۔‘‘ زندگی یونہی گزر رہی تھی کہ ایک دن بوڑھے صادق حسین کی زندگی میں خوش گوار تبدیلی آئی۔
وہ ایسی ہی ایک اُداس شام کو اُسی پرانے بنچ پر بیٹھے تھے، جب ان کے ساتھ والے بنچ پر ایک تیس پینتیس سالہ ایک اُداس سی خاتون آکر بیٹھ گئی۔ صادق حسین کو اُن آنکھوں کو دیکھ کریوں لگا جیسے وہ اُداس آنکھیں اِن کی اپنی ہوں۔جیسے وہ خود کو دیکھ رہے ہوں کیوں کہ روز انہیں ایسی آنکھیں شیشے میں دکھائی دیتی تھیں۔
’’معلوم نہیں یہ خاتون کون ہیں اور یہ اتنی اداس کیوں ہیں۔ مجھے ضرور اِن سے پوچھنا چاہیے، لیکن نہیں۔‘‘ اور انہوں نے کچھ نہیں پوچھا۔ اُس ساری رات خواب میں وہ آنکھیں اُن کے سامنے آنسو بہاتی رہیں۔ وہ بار بار پریشان ہوکرجاگ جاتے کہ آخر یہ خواب کیا ہے اور وہ خاتون کون ہیں؟ اگلے دن وہ سہ پہر سے پہلے ہی پارک پہنچ گئے اور بے چینی سے اس خاتون کا انتظار کرنے لگے۔ وہ خاتون شام سے ذرا پہلے آئیں اور ان کے ساتھ ہی بنچ پر بیٹھ گئیں۔ صادق صاحب اس دن بھی یہی سوچتے رہے کہ آخر وہ کس طرح ان سے پوچھیں کہ وہ اتنی اُداس کیوں ہیں؟ لیکن اس دن بھی وہ ہمت نہ کرپائے۔
ایک ہفتہ یونہی گزر گیا۔ اس دوران صادق صاحب نے درودیوار سے کوئی بات نہ کی۔ وہ انہیں حیرت سے تکتے کہ بوڑھے کو معلوم نہیں کیا ہوگیا ہے جواب ان سے بات تک نہیں کرتا۔ اس خاتون سے بات کرنے کی غرض سے کئی دنوں بعد انہوں نے تازہ شیو بنائی لیکن وہ اُس خاتون سے کچھ بھی نہ پوچھ سکے، مگر ہر رات خواب میں وہ اُسے دیکھتے۔ اُسے حوصلہ دیتے اور وہ خاتون صادق صاحب کو حوصلہ دیتیں۔
صادق صاحب شعوری لحاظ سے عُمر کے بہت پختہ حصے میں تھے کہ جب زندگی انسان سے سب کچھ لے جاتی ہے اور انسان کے پاس سوائے تجربے کے کچھ نہیں رہتا۔ اُن کے پاس تجربہ تھا، شعور تھا۔ وہ جب اپنے اندر اِس تبدیلی کو دیکھتے تو اِس نتیجے پر پہنچتے کہ اُن کی اُس خاتون کے لیے انسیت ویسی ہی ہے جیسے شیشم کے اس درخت کی جو اسکول سے گھر جاتے ہوئے ان کے راستے میں آتا تھا۔تپتی دوپہر میں شیشم کے اس درخت کے نیچے انہیں عجیب سی انسیت محسوس ہوتی۔ اگرچہ اس درخت کے نیچے ان کا قیام بہت مختصر لیکن فرحت بخش ہوتا۔وہ اُس پیڑ کو گائوں تک ساتھ تو نہیں لے جاسکتے تھے ، مگر اُس تپتی دوپہر میں جو سایہ اُس پیڑ سے ملتا، وہ انہیں آگے بڑھنے کا حوصلہ دیتا تھا۔
صادق حسین صاحب بھی اُس اداس آنکھوں والی خاتون کو گھر لے کر نہیں جانا چاہتے تھے۔ وہ اُسے حاصل نہیں کرنا چاہتے تھے۔ وہ تو صرف اس کا دکھ بانٹنا چاہتے تھے، اپنی تنہائی کا ساتھی چاہتے تھے۔ لیکن پھر یہ ہوا کہ ایک ہفتے بعد اُس خاتون نے پارک میں آنا چھوڑ دیا۔
اِدھر صادق صاحب کا یہ حال کہ بے چارے دوپہر کو ہی بنچ پر آکر بیٹھ جاتے ، یہ سوچتے ہوئے کہ آج تو ضرور بات کروں گا، لیکن جب وہ خاتون لگاتار کئی دن تک وہاں نہ آئیں تو صادق صاحب بے حد پریشان ہوئے۔ شاید وہ خاتون پارک کا راستہ بھول گئیں تھیں۔ اب وہ خود کو دن رات کوستے کہ آخر انہوںنے اس خاتون سے اس کی پریشانی کی وجہ کیوں نہ پوچھی، شاید وہ ان کے کچھ کام آسکتے۔ وہ اپنی اِس کم ہمتی پر خود کو بہت برا بھلا کہتے۔ ایک ہفتے میں ہی ان کی شیو دوبارہ بڑھ گئی۔ درودیوار سے باتیں پھر سے معمول پر آنے لگیں۔ اب بھی وہ خاتون ان کے خواب میں آتیں اور رو رو کر کہتیں:
’’صادق صاحب! خدارا مجھے بچایئے، خدارا میری مدد کیجیے۔‘‘ اور صادق صاحب ہڑبڑا کر اُٹھ بیٹھتے اور سوچتے کاش کہ وہ اُس خاتون سے اُس کے بارے پوچھ ہی لیتے۔
یہ خاتون کو غائب ہونے کے دس دن بعد کا واقعہ ہے۔ ایک شام صادق صاحب اپنے اُسی بنچ پر بیٹھے تھے کہ انہیں دور سے وہی خاتون آتی دکھائی دی۔ صادق صاحب کو پہلے تولگا کہ شاید اب وہ دن میں بھی خواب دیکھنے لگے ہیں، لیکن وہ خاتون اِدھر ہی چلتی آرہی تھیں۔ صادق صاحب نے چشمہ اتار کر صاف کیا، پھر لگایا اور تقریباً دوڑتے ہوئے اُس کی جانب بڑھے، لیکن قریب جاکر معلوم ہوا کہ یہ کوئی اور خاتون ہیں۔ اُس موقع پر انہیں اور تو کوئی بات نہ سوجھی کہا:
’’میں معذرت چاہتا ہوں، میری ایک عزیزہ گُم گئی ہیں۔ کیا آپ نے انہیں دیکھا ہے؟ یہی کوئی پینتیس سال عمر ہوگی۔ سیاہ دوپٹا اوڑھ رکھا تھا، رنگ گندمی اور آنکھیں بالکل میری آنکھوں جیسی تھیں۔‘‘خاتون قدرے گھبرائے ہوئے لہجے میں بولی:’’ نہیں انکل میں نے نہیں دیکھا۔‘‘
’’اوہ! اچھا شکریہ، میں تلاش کرتا ہوں، یہیں کہیں ہوں گی۔‘‘
یہ پہلی بار تھا کہ انہوں نے اُس اُداس آنکھوں والی خاتون کے بارے میں کسی سے پوچھا تھا۔ اُس کے بعد یہ اُن کا معمول بن گیا۔ وہ روزانہ گیٹ نمبر ۲ سے پارک میں داخل ہوتے، لوگوں سے اُس خاتون کی نشانیاں بتا کر پوچھتے کہ شاید کسی نے انہیں کہیں دیکھا ہو۔ آہستہ آہستہ لوگوں کو معلوم ہوگیا کہ یہ بوڑھااُن سے کیا سوال کرے گا، تو وہ نظریں چرا کرتیزی سے گزر جاتے ۔ کئی لوگ بوڑھے صادق حسین کی آواز سنی ان سنی کردیتے۔ پارک میں آنے والے کچھ نوجوانوں کے ہاتھ یہ شغل آ گیا۔ وہ صادق حسین صاحب کے پاس آتے اورکہتے:
’’انکل! کیا آپ اُس خاتون کو ڈھونڈ رہے ہیں جنہوں نے سیاہ دوپٹا اوڑھ رکھا ہے۔ عمر پینتیس سال ہے اور اُن کی آنکھیں بالکل آپ کی آنکھوں جیسی ہیں؟ ‘‘اور وہ امید کے دیے آنکھوں میں جلائے جھٹ سے کہتے:
’’ہاں ہاں! بالکل، وہ میری عزیزہ ہیں۔ کیا تم نے کہیں دیکھی ہیں؟‘‘
’’جی بالکل! وہ گیٹ نمبر ایک پر آپ ہی کے بارے میں پوچھ رہی تھیں۔‘‘اور صادق حسین تیزی سے گیٹ نمبر ایک کی طرف جاتے اور پیچھے لڑکے تالیاں بجاتے اور قہقہے لگاتے۔ اگلے دن کوئی اور لڑکا یہی کہہ رہا ہوتا تھا اور صادق حسین صاحب ہر بار یقین کرلیتے۔
صادق صاحب کی شیو اب بہت بڑھ چکی ہے۔ ڈرائنگ روم کی دیوار کی دراڑ بھی مزید پھیل گئی ہے۔ وہ دیوار حیرت سے بوڑھے کو دیکھتی ہے جو اب اُس سے بات نہیں کرتا۔ وہ اب ایک ایسی خاتون کو ڈھونڈتا ہے جو شاید کبھی تھی ہی نہیں۔

٭…٭…٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

رات کے دو بج رہے تھے۔ ہر طرف سناٹا چھایاہوا تھا۔ عارف سڑک کے کنارے پیدل چل رہا تھا، پوری دنیا سے بے خبر اور تنہا ۔ وہ ہر چیز کی امید کھو بیٹھا تھا۔ گھر میں سارے پریشان تھے۔ بیمار ماں کتنی دیر سے اس کی راہ تک رہی تھی اور دو بہنیں جن کی شادی کی فکر عارف کو ستاتی رہتی تھی، وہ بھی ہاتھ اٹھائے دعائیں کر رہی تھیں مگر عارف ہر چیز سے واقف ہو کر بھی ناواقف تھا۔
عارف وہ بدقسمت شخص تھا جو تعلیم یافتہ ہونے کے باوجود بے روزگار تھا اور مقروض بھی۔ نوکری اسے ملتی نہیں تھی اور کاروبار میں وہ مکمل طور پر ناکام ہو چکا تھا ۔ بال بکھرے ہوئے، کپڑے گندے، بھوک سے بے حالمگر کھانا وہ چاہتا نہیں تھا ۔ بہنوں کی شادی نہیں ہوتی تھی اور اگر کہیں رشتہ طے ہوتا تو کسی وجہ سے وہ بھی ٹوٹ جاتا۔ ماں بیمار تھی، اس کی دوائیوں کے خرچے الگ تھے۔ وہ اپنے آپ کو دنیا کا بدقسمت شخص سمجھتا تھا ۔
اس گہری رات کی تاریکی میں کچھ لمحے پہلے اس نے ہمت کی اور تیز رفتار گاڑی کے سامنے آکر جان دینا چاہی مگر کسی اجنبی نے دھکا دے کر اس کی جان بچا لی اور عارف کو ’’پاگل‘‘ کہتا ہوا آگے نکل گیا ۔ معلوم نہیں وہ کتنا پیدل چل چکا تھا، اس کو اندازہ بھی نہ ہوا ۔ موت اس کو گلے لگانے کو تیار نہ تھی اور زندگی سے اس نے منہ پھیر لیا تھا مگر سڑک کنارے چلتے جب اس کو کوئی خیال تنگ کرتا تو اس کے آنسو نکل آتے اور وہ عینک اتار کر آنسو صاف کرنے لگ جاتا۔
چل چل کر جب اس کی ٹانگیں جواب دے گئیں اور ہمت مکمل طور پر ختم ہو چکی تو اس نے بیٹھنے کے لیے جگہ تلاش کرنا چاہی۔ وہ کہاں تھا اسے کچھ معلوم نہ تھا۔ سڑک کنارے ایک بس سٹاپ آیا توعارف ادھر ہی بیٹھ گیا۔ یہ جگہ بیٹھنے کے لیے مناسب تھی ۔ پاس ہی ایک شخص چادر لیے لیٹا ہوا تھا۔ سٹریٹ لائٹس جل رہی تھیں۔ عارف ادھر ٹیک لگا کر بیٹھ گیا۔ اس نے دور دور تک نظر دوڑائی مگر اسے کوئی نظر نہ آیا تھا۔ آج سے پہلے اس پر کبھی اتنی نا امیدی نہیں چھائی تھی ۔ بیٹھے بیٹھے اس کی آنکھ لگ گئی اور وہ سو گیا۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
کچھ ہی لمحے گزرے ہوں گے کہ قریبی مسجد سے اذان کی آواز سنائی دی اور اس کی آنکھ کھل گئی۔ اس کے ساتھ ہی جو شخص لیٹا ہوا تھا وہ بھی حرکت کرنے لگا ۔ اس شخص نے منہ سے چادر ہٹائی اور سیدھا ہو کر بیٹھ گیا۔ وہ نحیف سا بابا تھا۔ سفید داڑھی اور آنکھوں میں عجیب سی چمک رکھتا تھا۔ بابا جی نے جیب سے ٹوپی نکال کر سر پر پہنی اور اذان کی طرف متوجہ ہو گیا۔ جب اذان ختم ہو ئی تو اس نے دونوں ہاتھ دعا کے لیے اٹھا لیے اور دعا مانگنے لگ گیا۔ یہ سب ماجرا عارف بڑے غور سے دیکھ رہا تھا اور اندر ہی اندر اس کو عجیب سی کیفیت محسوس ہو رہی تھی ۔ بابا جی کے چہرے پر انتہا کا سکون تھا جو کہ اس وقت عارف کے پاس موجود نہیں تھا۔
بزرگ نے جب دعا مانگ لی تو عارف کو دیکھنے لگے۔ عارف نے جب باباجی کی آنکھوں میں دیکھا تو اس کو عجیب سا سکون مل رہا تھا۔ باباجی نے عارف کو دیکھ کر کہا :
’’السلام علیکم میاں! خیر تو ہے اس وقت ادھر کیا کر رہے ہو؟‘‘باباجی کہتے ہوئے اپنی چادر سمیٹنے لگ گے۔
’’آپ بھی تو اس وقت ادھر ہیں۔‘‘ عارف نے باباجی کا سوال ان کو واپس کر دیا ۔ باباجی عارف کی بات سُن کر مُسکرا دیے۔
’’مگر میاں میرا ادھر ہونا اور تمہارا ادھر ہونا مختلف معنی رکھتا ہے۔‘‘ باباجی مُسکراتے ہوئے بالکل ایسے بیٹھ گئے جیسے وہ عارف سے باتیں کرنا چاہتے ہوں اور جب عارف بھی باباجی کو دیکھتا تو اس کا دل بھی بات کرنے کو کرتا تھا۔
’’شکل سے تو اچھے گھر کے لگتے ہو، اتنے پریشان کیوں بیٹھے ہو؟ کوئی مسئلہ ہے؟‘‘ باباجی عارف کے قریب ہو گئے۔ انہوں نے عارف کی دکھتی رگ پر ہاتھ رکھ دیا تھا۔
’’میں خود ایک مسئلہ ہوں، میری ذات ایک مسئلہ ہے۔ شاید میں پیدا ہی مسائل کے لیے کیا گیا ہوں۔‘‘ عارف کی آنکھوں سے پھر آنسو ٹپکنے لگے۔
’’نہ بیٹا! پریشان کیوں ہوتے ہو؟ جس نے مسئلے بنائے ہیں ضرور اس نے مسئلوں کا حل بھی بنایا ہو گا اور اوپر والا تو اتنا رحیم ہے کہ وہ کسی کو اس کی ہمت سے زیادہ تکلیف نہیں دیتا۔ بیٹے کسی مسئلے کا حل ناامیدی اور پریشانی ہوتا ہے؟ مجھے بتائو تمہارا مسئلہ کیا ہے؟ شاید کوئی حل نکل آئے۔‘‘باباجی نے اس کے سر پر ہاتھ پھیرتے ہوئے کہا تو اس کا دل چاہا کہ سب کچھ کھول کر باباجی کے سامنے رکھ دے۔
’’میں ایک ناکام شخص ہوں باباجی! ایک بد قسمت شخص ہوں، سونے کو ہاتھ لگاتا ہوں وہ مٹی بن جاتا ہے ۔ گھر کے خرچے، ماں کی بیماری، بہنوں کے رشتے، کئی کاروبار کیے مگر کوئی فائدہ نہیں ہوا۔ اُلٹا ادھار سر پر چڑھ گیا۔ کئی جگہوں پر نوکری کی درخواستیں دیں مگر کہیں منظور نہیں ہوئی۔ آپ بتائیں میں کیا کروں؟‘‘ عارف نے کہتے ہوئے عینک اتار دی اور اس کی آنکھوں سے آنسو بہ نکلے۔ باباجی ساری باتیں خاموشی سے سن رہے تھے۔
’’ہاں تو نوکری کرنی ہے تو اللہ کی کرو اور اگر کاروبار کرنا ہے تب بھی اللہ کے ساتھ کرو۔ ہم لوگوں کا یہی تو مسئلہ ہوتا ہے جس نے ہمیں پیدا کیا ہم اس سے نہیں مانگتے۔ ہم دوسروں کے سامنے ہاتھ پھیلاتے ہیں اور بدلے میں لوگ وہی دیتے ہیں جو ان کے پاس ہوتا ہے۔ پریشانی، تنگی، فتنہ،دغا اور ایسی کئی بیماریاں۔ مگر جو اللہ سے مانگتا ہے بدلے میں اللہ اس کی جھولی بھر دیتا ہے۔ برکتوں سے، رحمتوں سے، سکون سے۔ جو کرنا ہے یا جو مانگنا ہے اللہ سے مانگو، اس کے ساتھ کرو۔‘‘ باباجی کہہ رہے تھے اور عارف سُن رہا تھا۔ اس کو سکون محسوس ہو رہا تھا۔ وہ خاموشی سے باباجی کو دیکھ رہا تھا اور اپنے اندر تبدیلی کی ایک لہر محسوس کر رہا تھا۔
’’مگر باباجی !شاید مجھے اللہ کے ساتھ کاروبار کرنے کا طریقہ نہیں آتا ۔‘‘ عارف نے عینک پہن لی۔ اس کے اندر تجسس پیدا ہونے لگ گیا ۔ وہ باباجی کو سوالیہ نظروں سے دیکھ رہا تھا۔
’’دیکھو بیٹا! جب تم اللہ کے ساتھ کاروبار شروع کرو گے اور اس کے حصے کا مال اس کی راہ میں خرچ کرو گے تو ناکامی کا خوف ختم ہو جائے گا اور تم کام یابی کی طرف نکل پڑو گے۔ تم اس کو اپنے کاروبار کا حصہ دار بنا لو، جس کو انگریزی میں کہتے ہے نا ’’پارٹنر‘‘ہاں پارٹنر بنالو۔ تم دیکھنا وہ تم پر کیسے رحمتوں کی بارش کرتا ہے۔ بھوکوں کی بھوک مٹائوگے وہ تمہاری بھوک مٹائے گا۔ لوگوں کے مسئلے حل کرو، تمہارا کوئی مسئلہ باقی نہیں رہے گا۔ میری بات کو اپنے ذہن میں بٹھا لو ان شاء اللہ وہ کسی کو مایوس نہیں کرتا۔ گھر میں تمہاری ماں تمہارا انتظار کررہی ہے ۔ماں خدا کی بہت بڑی نعمت ہے، اس کی قدرکرو۔‘‘ باباجی کہتے ہوئے اٹھے اور عارف کے سر پر ہاتھ پھیرنے لگے۔
’’چلو اٹھو! نماز کا وقت ہو رہا ہے، نماز پڑھ لو اور چڑھتے سورج کے ساتھ نئی زندگی کی شروعات کرو۔‘‘ باباجی کی باتیں عارف کی روح میں اتر رہی تھیں۔ اس کا جسم ایک دم ڈھیلا ہو گیا۔ باباجی مڑے اور مسجد کی طرف چل دیے، عارف ان کو جاتا دیکھ رہا تھا۔ باباجی کافی دور نکل گئے تھے، کچھ لمحے ادھر بیٹھنے کے بعد عارف اٹھا اور گھر کی طرف تیز قدموں کے ساتھ چل دیا۔
اس بات کو دس سال گزر چکے تھے۔ عارف کی شادی ہو چکی ہے اور اس کی بہنوں کی بھی۔ جو عارف دس سال پہلے تھا آج وہ عارف نہیں رہا تھا۔ آج عارف مُلک کا ایک نام ور شخص بن چکا۔ مُلک کے کئی شہروں میں اس کے دستر خوان چلتے تھے جہاں کئی غریب لوگ مفت کھانا کھاتے اور کئی فلاحی ادارے عارف فنڈز کے نام سے چل رہے ہیں ۔ جو پارٹنرشپ عارف نے پانچ سال پہلے شروع کی تھی وہ کام یاب ہو چکی تھی۔ آج اس کے اپنے مسئلے نہ ہونے کے باوجود مسئلوں میں گھرا رہتا تھا ۔ کسی کو علاج کی ضرورت یا کسی مقروض کو پیسوں کی آج اس نے لوگوں کے مسئلوں کو اپنا مسئلہ بنا لیا تھا، اس لیے شاید اس کے سارے مسائل حل ہو گئے اور کام یابیاں اس کے قدم چوم رہی تھیں۔

٭…٭…٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

بیگم مہرین اپنے سٹنگ روم کے قالین پر بیٹھی ہوئی تھیں ۔ ان کے سامنے مختلف ڈیزائنرز کی exclusive rangeکے دس سوٹ رکھے ہوئے تھے۔ انھیں یہ سوٹ سلوانے کے لیے اپنے درزی کو دینے جانا تھا۔اتنے سارے خوب صورت اور سٹائلش سوٹ سامنے ہونے کے باوجود ان کا دل خوش نہیں تھا۔ اس کی وجہ مشہور برانڈ کا وہ جوڑا تھا جو پچھلے ہفتے وہ آئوٹ لیٹ پر دیکھ کر آئی تھیں ۔اس وقت کسی وجہ سے بیگم مہرین وہ جوڑا نہ خرید سکیں۔ دو دن بعد جب وہ جوڑا لینے متعلقہ آئوٹ لیٹ پر گئیں تو معلوم ہوا کہ وہ تو بِک چکا ہے ۔ یہ برانڈ ڈیزائن محدود پیمانے پر بناتا تھا ۔ ایک دفعہ جو ڈیزائن ختم ہو جاتا پھر دوبارہ وہ نہیں بنایا جاتا۔
بیگم مہرین کو وہ جوڑااتنا پسند آیا کہ وہ اپنے شہر میں اس برانڈ کے ہر آئوٹ لیٹ سے معلوم کرنے گئیں مگر وہ کہیں پر دستیاب نہیں تھا ۔ وہ جوڑا ان کے دل کو اتنا بھایاتھا کہ اس کا نہ ملنا کچھ اس طرح پھانس بن کر ان کے دل میں چبھا کہ سامنے رکھے پچاس ساٹھ ہزار کے جوڑے بھی ان کو کوئی خوشی نہیں دے پائے۔ یہ سب بھی اُنھوں نے اپنی پسند سے خریدے تھے اور ہر ایک کی قیمت پانچ سے دس ہزار کے درمیان تھی۔وہ ابھی تک اسی ایک کے غم میں مبتلا تھیں۔ حالاں کہ کل ان کے شوہر مظہر نے اس بات پر ان کی اچھی خاصی کلاس لی تھی۔
ہوا یوں کہ مظہر صاحب دفتر سے آئے تو بیگم مہرین اُداس اور دل گرفتہ سی بیٹھی تھیں۔
’’ کیا ہوا؟‘‘ اُنہوں نے اپنا کوٹ ہینگر میں لٹکایا۔
’’ کچھ نہیں۔ آپ فریش ہو کر چینج کر لیں میں چائے لگواتی ہوں۔‘‘ وہ اُٹھ کر کچن کی جانب چلی آئیں جہاں ان کی ملازمہ چائے اور دیگر لوازمات کی تیاری میں مصروف تھی۔
’’ثریا ! دس منٹ تک چائے باہر لان میں لگادینا۔‘‘اُنہوں نے اپنے بالوں کو دونوں ہاتھوں سے سمیٹ کر بائیں کندھے پر ڈالا۔
’’ جی بیگم صاحبہ!‘‘ثریا مؤدبانہ لہجے میں بولی۔
موسم بہت خوش گوار تھا ۔ اسی لیے اُنہوں نے چائے لان میں پینے کو ترجیح دی تھی ۔ڈیفنس میں چار کنال پر بنا ان کا یہ خوب صورت گھر دور سے لوگوں کی توجہ اپنی طرف کھینچتا تھا۔گیٹ سے اندر داخل ہوتے ہی یوں لگتا جیسے انسان کسی پرستان میں آگیا ہو۔گیٹ کے ساتھ دائیں جانب دور تک وسیع و عریض لان میں امپورٹڈ گھاس کا سبز فرش بچھا ہوا تھا جس پر رکھی ہوئی سفید لان ٹیبل اور چیئرز آنکھوں کو بہت بھلی لگتی تھیں۔ لان کے ایک طرف خوب صورت پھولوں کی باڑیں تھیں اور دوسری طرف لاتعداد گملے جن میں اُگے ہوئے رنگ بہ رنگے پھول اپنی بہار دکھا رہے تھے۔ سامنے وسیع و عریض کار پورچ تھا ۔ لائونج سے اُوپر جاتی سیڑھیاں کسی حسینہ کی بل کھاتی کمر کی طرح دکھتی تھیں۔لائونج سے لے کر کچن تک پورے گھر میں ہر چیز میں نفاست اور امارت کا عکس نظر آتا تھا۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
’’اب بتائیے بیگم صاحبہ!آپ کو کیا ٹینشن ہے؟‘‘ مظہر صاحب نے لان چیئر پر آرام دہ انداز میں بیٹھ کر چائے کا کپ پکڑ لیا۔
مہرین بیگم منہ بسور کر خاموش رہیں۔ مظہر صاحب نے ان کی طرف غور سے دیکھا ۔ انہیں دیکھ کر کوئی نہیں کہہ سکتا تھا کہ ان کی بیٹیاں او لیول اور اے لیول کی اسٹوڈنٹس ہیں۔ وہ آج بھی اتنی ہی سمارٹ اور خوب صورت تھیں جتنی شادی کے وقت تھیں۔ بلکہ اب ان کی خوب صورتی میں مزید کشش اور ایک وقار سا پیدا ہو گیا تھا جو مظہر صاحب کو یک ٹک انہیں دیکھنے پر مجبور کر دیتا تھا۔
’’بتائیے نا!‘‘ مظہر صاحب سے ان کی اُداسی برداشت نہیں ہو پا رہی تھی۔
’’ مظہر ! مجھے میرا پسندیدہ جوڑا کہیں سے نہیں مل رہا۔‘‘ مہرین نے منہ بنا کر کہا۔
’’چھوڑو مہرین! کوئی دوسرا سوٹ لے لو۔ ‘‘ مظہر صاحب نے بے پروائی سے کہا۔
’’لیے ہیں پورے دس سوٹ، مگر وہ سوٹ نہیں ملا تو لگ رہا ہے میرے پاس پہننے کو کچھ بھی نہیں ہے۔‘‘ انہوں نے سرد آہ بھرتے ہوئے کہا۔
بسا اوقات ان کے اس شوق سے مظہر صاحب چڑ جاتے تھے ۔ روپے پیسے کی کوئی کمی نہیں تھی اور نہ ہی مظہر صاحب نے کبھی ان کی شاپنگ وغیرہ کے حوالے سے ٹوکا تھا ۔ ان کو نت نئے لباس سلوانے کا شوق تھا ۔ وہ ان کا یہ شوق خوشی خوشی پورا کرتے مگر جب مہرین کسی برانڈ کے کسی خاص ڈیزائن کے پیچھے پاگلوں کی طرح پڑ جاتیں تو وہ چڑ جاتے۔ کوئی مشہور برانڈ ایسا نہیں تھا جس کے کپڑے ان کے پاس نہ ہوں مگر ان کا یہ شوق جیسے ان کا نشہ بننے لگا تھا ۔ اب بھی دس سوٹ خریدنے کے باوجود ان کی تسلی نہ ہو سکنے کے بارے میں سن کر مظہر صاحب کا سارا موڈ غارت ہو گیا ۔
’’چھوڑ وبھی مہرین ! کیا ہے؟‘‘ مظہر صاحب نے خود پر کنٹرول کر کے کہا۔
’’ کیسے چھوڑ دوں؟میری راتوں کی نیند اُڑی ہوئی ہے اور آپ… ویسے میں سوچ رہی ہوں کہ مجھے یہ سوٹ کہیں سے’’ بلیک‘‘ میں مل جائے بھلے سے قیمت ڈبل ہو ۔‘‘ مہرین نے مظہر کو دیکھا۔
’’مہرین پلیز! خود کو کنٹرول کرو۔ تمہارا یہ شوق تمہارا جنون بنتا جارہا ہے ۔ جب کوئی چیز انسان کا جنون بن جائے تو پھر وہ انسان کو اپنے بس میں کر کے اسے خیرو شر کی تمیز بھلا دیتا ہے۔ تم بھی کہیں اپنے اس جنون کے ہاتھوں کوئی نقصان نہ اُٹھا لینا۔‘‘ مظہر صاحب نے اپنے لہجے کو حتی الامکان پر سکون رکھنے کی کوشش کی تھی مگر پھر بھی اس سے ہلکی سی ناراضی جھلک گئی۔ مہرین کو ان کا انداز بُرا لگا ۔
’’ مظہر ! بس کیا کریں۔ کبھی کبھی آپ جاہل مردوں کی طرح باتیں کرنے لگتے ہیں جن سے اپنی بیوی کی خوشی برداشت نہیں ہوتی۔‘‘اُنھوں نے زور سے کپ میز پر پٹخا اور ٹک ٹک کرتی اندر چلی گئیں۔مظہر صاحب سر جھٹک کر چائے پینے لگے۔
اگلے روز مہرین بیگم نے سارے کپڑے دو تین بڑے شاپنگ بیگز میں ڈال کر پکڑے اور اپنے کمرے سے باہر نکل آئیں۔
’’ ثریا! میں ذرا ٹیلر تک جارہی ہوں ۔ صاحب آئیں تو انہیں چائے سرو کر دینا۔‘‘ وہ جلدی جلدی ہدایات دے کر پلٹ گئیں۔
ماسٹر صاحب! یہ دس سوٹ ہیں ۔ ناپ وغیرہ بالکل ٹھیک رکھیے گا ۔ ہر سوٹ کے ساتھ ڈیزائن والا پوسٹر ہے اسی کے مطابق بنائیے گا۔‘‘ مہرین بیگم نے کپڑوں والے بیگز کائونٹر پر رکھ کر ٹیلر کو ہدایات دیں۔
’’ٹھیک ہے میڈم۔‘‘ ٹیلر نے کپڑے اُٹھا کر ریک میں رکھے۔
’’ اچھا اللہ حافظ۔‘‘مہرین دکان کے خارجی دروازے کی طرف بڑھ گئیں۔ٹیلر نے کسی دوسری گاہک کے کپڑے کٹنگ کے لیے نکال کر کٹنگ کائونٹر پر رکھے۔ کچھ یاد آنے پرمہرین بیگم دکان کے دروازے سے واپس پلٹیں ۔
’’ماسٹر صاحب! وہ بلیو والا سوٹ…‘‘ کائونٹر کے قریب آکر اُنہوں نے ٹیلر کو مخاطب کیا مگر ان کی آدھی بات منہ میں ہی رہ گئی۔ ٹیلر ہاتھ میں وہی ڈیزائنر سوٹ پکڑے کھڑا تھا جس کی تلاش میں وہ بھٹک رہی تھیں۔
’’ یہ کس کا سوٹ ہے؟‘‘ اُنھوں نے سوٹ کی طرف اشارہ کیا۔وہ بہت عرصے سے یہاں سے کپڑے سلوا رہی تھیں۔ مالک سے لے کر دکان کا گارڈ تک اسے اچھی طرح جانتے تھے اور بہت عزت سے پیش آتے تھے۔
’’ پچھلے ہفتے ایک خاتون دے کر گئی ہے۔پہلی دفعہ آئی ہے ۔ ابھی یہی سوٹ دیا ہے کہ پہلے ٹرائی کرے گی پھر اور کپڑے سلنے دے گی۔‘‘ ٹیلر نے تفصیل سے جواب دیا۔ مہرین بیگم کا ذہن تیزی سے کام کرنے لگا ۔ انہیں اپنی منزل بہت قریب نظر آرہی تھی۔
’’ماسٹر صاحب ! آپ میرا ایک کام کریں گے ؟‘‘ مہرین نے ٹیلر سے خوشامدانہ انداز میں کہا۔
’’ بتائیے میڈم۔‘‘
’’آپ …آپ یہ سوٹ میرے ناپ پر سی دیں۔‘‘مہرین کی بات پر ٹیلر نے انھیں یوں دیکھا جیسے ان کا دماغ چل گیا ہو۔
’’ کیا مطلب؟‘‘
’’مجھے یہ سوٹ بہت پسند ہے ۔ ہر جگہ ڈھونڈا مگر کہیں نہیں ملا۔‘‘ وہ لجاجت سے بولیں۔
’’مگر میں ان بی بی کو کیا جواب دوں گا؟‘‘وہ ہچکچایا۔
’’ دیکھو کپڑے خراب بھی تو ہو جاتے ہیں نا…تم انہیں کہہ دینا کہ غلطی سے کسی اور کے ناپ پر سل گئے ۔‘‘ اُنھوں نے راہ دکھائی۔
’’ مگر میں ان کا نقصان کیسے پورا کروں گا ؟ میں اس دکان پر دہاڑی پر کام کرتا ہوں ۔ میں اس قیمتی سوٹ کی قیمت کہاں سے بھروں گا؟‘‘ ٹیلر نے انھیں ڈھکے چھپے انداز میں انکار کیا۔
’’ آپ گھبرائیے نہیں ماسٹر صاحب! اس سوٹ کی قیمت سات ہزار روپے ہے ۔ یہ لیجیے اس کی قیمت جو آپ اُس خاتون کو واپس کریں گے اور یہ پانچ ہزار روپے آپ اپنی محنت کے رکھ لیں۔‘‘ مہرین بیگم نے بیگ کھول کر بارہ ہزار روپے کائونٹر پر رکھ دیے۔ٹیلر نے چور نگاہوں سے اِدھر اُدھر دیکھا، کوئی بھی ان دونوں کی طرف متوجہ نہیں تھا۔اُس نے وہ روپے اٹھا کر گویا مہرین بیگم کا کام کرنے کی حامی بھر لی۔مہرین کے لبوں پر مسکراہٹ پھیل گئی۔
’’شکریہ ماسٹر صاحب!‘‘
’’وہ تو ٹھیک ہے میڈم! مگر آپ ایک سوٹ کے لیے اتنے پیسے…‘‘ وہ آدھی بات کہہ کر خاموش ہو گیا۔
’’آپ آم کھائیں ماسٹر صاحب ! پیڑ نہ گنیں۔ آپ نے سنا نہیں کہ شوق کا کوئی مول نہیں ہوتا۔‘‘مہرین کا لہجہ بہت ہی خوش گوار ہو گیا تھاجیسے سوٹ کی صورت میں ہفت ِ اقلیم کی دولت ان کے ہاتھ لگ گئی ہو۔ٹیلر سر جھٹک کر اپنے کام میں مصروف ہو گیا اور مہرین بیگم مطمئن سی دکان سے باہر نکل گئیں۔
٭…٭…٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

وہ کوئی عام ایجاد نہیں تھی۔
منٹوں میں جہنم کو جنت میں تبدیل کرنے والا ایک جادوئی آلہ تھا۔
ایک ہی بٹن دبانے سے انسان دوزخ کی آگ سے نجات پا کر ساتویں آسمان کے پرسکون بادلوں میں پہنچ جاتا تھا۔
کیسی ٹھنڈی ہوا تھی۔۔۔۔
ایسی ہوا جو گرمی سے چکرائے سر کو فوراََ آرام پہنچا دے۔ ایسی ہوا جو بدن کو چھوتے ہی سارے دن کی تھکن کو غائب کر دیتی تھی۔ محنت اور مشقت میں بہایا ہوا پسینہ جو جسم پر بدبودار کیچڑ بن کر چپک جاتا تھا وہ ایسے خشک ہوتا، کہ چِپ چِپ کرتے کپڑے تو دور کی بات ،پورا بدن روئی کی طرح ملائم محسوس ہونے لگتا۔
یہ ہوا نہیں یہ تو ایک نعمت تھی۔ جس کو میسر ہوجائے اس کو جینے کا مزہ آجائے۔
بس ایسی ہی ٹھنڈی ہوا میں چند گھنٹوں کے لئے آرام کرنا چاہتا تھا۔ اس ہی ٹھنڈی ہوا میں کچھ دیرسونے کی خواہش تھی۔
مجھے اپنے کیے پر نہ کوئی رنج ہے اور نہ ہی کوئی ندامت ۔۔
بس اب جائو۔۔مجھے کچھ اور گھنٹوں کے لئے اس نرم بستر پر اور ٹھنڈی ہوا میں کچھ دیر اور سونے دو۔
بعد کی بعد میں دیکھی جائے گی۔
٭٭٭٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
میرے اندازے کے مطابق مجھے کوئی ڈیڑھ بجے نیند آئی ہوگی۔
یہ میں یقین سے اس لئے کہہ سکتا ہوں کیوںکہ پتا نہیں کس منحوس کی بد دعا لگی جو رات ایک یا ڈیڑھ بجے سے پہلے نیند آتی ہی نہیں۔ آنکھوں میں نیند بھری ہوتی اور بدن بھی تھکن سے ٹوٹتا مگر نہ جانے کیوں؟۔۔جیسے ہی ــ’’کوارٹر‘‘ میں آکر چارپائی پر لیٹا ہوں، یہ کم بخت نیند فوراََ بھاگ جاتی ہے۔
پوری رات کروٹیں بدل بدل کر خدا سے دعا کرتا رہتا ہوںکہ نیند آجائے۔ تھوڑی دیر کے لئے ہی آنکھ لگ جائے۔ کچھ نہیں تو ایک دو گھنٹے کی نیند ہی میسر ہوجائے بس اس کے بعد تو آگے تھکاوٹ ہی تھکاوٹ۔ صبح سویرے ، دن چڑھتے ہی اس تنور یعنی اپنے کوارٹر سے نکل کرصاحب جی اور بیگم صاحب کا ناشتہ بنانا ہوتا ہے اور یوں گرمی سے جلتے جسم اور نیند سے بھری آنکھوں کے ساتھ میں ایک اور دن گزارنے پر مجبور ہوجاتا ہوں۔
ہمیشہ کی طرح آج رات بھی ٹھیک دو بجے مجھے بدتمیزی سے جگایا گیا۔’’انٹر کام‘‘ کی وہ منحوس ’’بیل‘‘ کانوں میں ایسے گونج رہی تھی جیسے کوئی صور پھونکا جا رہا ہو۔ اپنا سر کھجاتے اُٹھا تو فوراََ اندازہ ہوگیا کہ یہ جو آدھے گھنٹے کی نیند ملی غنیمت ہے۔ آگے کی رات اب بہت اذیت سے گزرے گی۔
پسینہ پونچھتے ہوئے میں نے انٹرکام اُٹھایا اور فرماںبرداری سے کہا: ’’جی صاحب جی‘‘
آگے سے وہ چلائے۔ ’’صاحب جی کا چاچا ۔۔کیا گھوڑے بیچ کر سوتے ہو تم جو تمہیں احساس نہیں کہ پچھلے بیس منٹ سے بتی گئی ہوئی ہے۔ گرمی سے براحال ہو رہا ہے ہمارا۔ جنریٹر خود آن ہوگا کیا؟‘‘
’’معاف کیجئے گا صاحب جی ۔۔۔پتا ہی نہیں چلا۔۔‘‘
’’ہاں پتا ہی نہیں چلا۔۔ہم جب پسینوں میں بھیگ بھیگ کر بیمار ہوجائیں گے تب احساس ہو گا تمہیں۔۔کیا ہم انسان نہیں۔۔ ؟ یا ہم گرمی میں پڑے پڑے مر جائیں؟ جائو فوراََ جا کر ’’جنریٹر‘‘ چلائو تاکہ ہمارا اے سی چل سکے۔ تم جانتے ہو صبح میری لاہور کی فلائٹ ہے۔ اگر میری نیند پوری نہیں ہوئی تو تمہارا وہ حشر کروں گا تم یاد رکھو گے۔‘‘
میں نے اپنے صاحب جی سے مزید معافیاں مانگیں اور پھر اپنی ٹوٹی چپلوں میں پائوں ڈال کر ’’جنریٹر‘‘ چلانے گیا۔ صاحب کی ڈانٹ ابھی تک میرے کانوں میں گونج رہی تھی۔ غصے کے ساتھ اپنی قسمت پر ہنسی بھی آرہی تھی۔ صاحب فرمارہے ہیں ’’ہم انسان نہیں‘‘۔۔؟ پھر کہتے ہیں ’’میرا وہ حشر کریں گے کہ میں یاد رکھوںگا۔‘‘ اگر وہ انسان نہیںتو میں کیا۔۔؟ وہ تو پھر اے سی کی ٹھنڈی ہوا میں آرام سے سوتے ہیں۔ بیس منٹ میں کون سا ان کا کمرہ اُبلنے لگا ہو گا، جو ان سے برداشت نہیں ہو رہا۔ اور میں۔۔؟ ایک ٹوٹے ہوئے ’’پیڈسٹل فین‘‘ کا رخ اپنی طرف کر کے پوری رات خاموشی سے گزار دیتا ہوں اور آج تک اپنی انسانیت پر کبھی شک نہیں کیا۔ آئے بڑے میرا برا حشر کرنے والے! اس گرمی میں تو رات مجھے گزارنی پڑتی ہے۔ اس سے زیادہ اور برا حشر کیا ہوسکتا ہے؟
ویسے یہ جنریٹر چلانا بھی بہت مشکل کام ہے۔ اس کو چلانے کے لئے بڑی جان چاہئے اور کوئی دو تین بار کشتی لڑوں تب جا کر یہ ’’جنریٹر‘‘ چلنے کا نام لیتا ہے۔ جب ایک بار ’’آن‘‘ ہو کر گرجتا ہے تو اس بات سے ہی خوشی ملتی ہے کہ اب صاحب جی اور بیگم صاحبہ چین سے سو سکیں گے۔
میں نے چہرہ اوپر کیا اور اے سی کی طرف دیکھا۔ واہ بھئی واہ۔۔جنریٹر بھی کتنی انوکھی ایجاد ہے، جو صرف امیروں کے لئے ہی بنائی گئی ہے۔ ہم جیسے غریب اسے باہر سے چلا ضرور سکتے ہیں مگر کمرے میں جا کر اس کی بدولت چلنے والے اے سی کی ٹھنڈی ہوا سے ہمیشہ محروم ہی رہ جاتے ہیں۔کبھی کبھار کھانا یا چائے پیش کرتے ہوئے یہ احساس ہوتا ہے کہ کبھی خدا نے وفات کے بعد جنت کی کھڑکیاں ہمارے لئے بھی اگر کھولیں تو ضرور جنت میں بھی ہر جگہ ــ’’جنریٹر‘‘ اور اُن کی بدولت ’’اے سی‘‘ ہی لگے ہوں گے۔ جہاں چکراتے دماغ اور جلتے ہوئے جسم کو ہمیشہ ٹھنڈی ہوا کا سکون مل سکے گا۔
اوپر دیوارپر لگے اے سی سے دو چار پانی کے قطرے ٹپک کر میرے ہاتھ پر گرے۔ میں نے وہی قطرے اپنے منہ پر مل لئے۔ اس اے سی سے ٹپکتا ہوا پانی بھی کتنا مزے دا ر ہوتا ہے۔ چلو اگر اندر کی ٹھنڈی ہوا نہیں تو ان دو چار قطروں سے ہی سکون حاصل کرتے ہیں۔کچھ قطرے منہ پر ملے اور کچھ تو پی بھی لئے۔ واپس آکر میں نے اپنا معذور سا پنکھا چلایا اور دوبارہ آنکھ لگانے کی کوشش کی۔
٭٭٭٭
ڈھائی بجے کمبخت انٹر کام پھر بجنا شروع ہوا۔ اس بار صاحب کے لئے ایک موٹی سی گالی نکلی۔
’’ارے خبیث آدمی کیا کھا کر سوئے ہو جو تمہیں کسی چیز کا ہوش نہیں ‘‘صاحب جی پھر ’’انٹر کام‘‘ پر غرائے۔
آنکھیں ملتے ہوئے میں نے پہلے تو معافی مانگی پھر پوچھا ’’کیا ہوا صاحب جی۔۔؟؟‘‘
’’اوپر سے پوچھ رہے ہو کیا ہوا؟ ہوش نہیں تمہیں۔۔؟ پچھلے دس منٹ سے جنریٹر ٹرپ ہو چکا ہے اور اے سی بند ہے۔ جا کر دیکھو۔‘‘
’’جی میں ابھی دیکھتا ہوں۔۔‘‘
’’پٹرول کتنا ہے اُس میں ۔۔؟؟کم تو نہیں ہوگیا۔؟ کتنی مرتبہ کہا ہے کہ ہر رات جنریٹر کا پٹرول دیکھ کر سویا کرو‘‘۔
’’صاحب جی میں نے دیکھا تھا۔ پٹرول ختم نہیں ہوا ہوگا۔‘‘
’’تو پھر لوڈپڑ رہا ہوگا۔ تم نے تو اپنا پنکھا تو نہیں چلایا ہوا؟‘‘
میں نے فوراََ جھوٹ بولا ’’نہیں سر ۔۔میں نے نہیں چلایا‘‘
’’بکواس کرتے ہو۔سب جانتا ہوں تم لوگوںکی چالاکیاں۔۔یہ جنریٹر ہم نے اس لئے لگوایا ہے کہ رات کو صر ف ایک کمرے کا اے سی چل سکے۔ تمہیں اگر زیادہ گرمی لگتی ہے تو باہر صحن میں جا کر سو جایا کرو۔ کسی اور کمرے کی لائٹ نہیں جلنی چاہئے ورنہ ’جنریٹر‘ پر لوڈ پڑے گا۔ اب جائو فوراََ دیکھو کیا ہوا ہے؟‘‘
’’جی سر۔۔‘‘
پھر میں نے وہی کیا جس کا حکم مجھے دیا گیا۔ آنکھیں ملتے ہوئے نیند کی مد ہوشی میں جا کر ’’جنریٹر‘ ‘سے دوبارہ کشتی کی۔ جب وہ چل پڑا تو اس بار اپنا پنکھا چلائے بغیر گرمی اور پسینے میں ہی چارپائی پر لیٹ کر آنکھیں بند کر لیں۔
٭٭٭٭
خدا کی شان میں گستاخی کبھی نہیں کرنی چاہئے مگر یا اللہ! یہ مچھر بھی کیا شے ہے؟ ایسی تخلیق کا مقصد ہی کیا جو آدمی کو صرف نقصان ہی پہنچاتی ہے۔ ملیریا اور ڈینگی جیسی بیماریوں کے علاوہ مچھروں نے اس دنیا کو دیا بھی کیا ہے؟ان کے وجود کا تو صرف ایک ہی مقصد ہے۔۔غریبوں کی راتیں کالی کرنا۔
پنکھے کے بغیر یہ مچھر انسان کو ایسے کھا تے ہیں جیسے کہ کوئی پرانا دشمن حملہ کر رہا ہو۔ جگہ جگہ کاٹ کاٹ کر اس نے جسم چھلنی کر دیا ۔ باقی جو کسر بچی تھی میں نے خود کو کھجا کھجا زخمی کر لیا۔
اگر مشکل سے کھجلی کو بھول کر ایک دو منٹ کے لئے آنکھ لگ بھی جائے تو پھر یہی مچھر کان میں بھنبھنا نا شروع ہوجاتے ہیں۔ اگر مارنے کی کوشش کروتو اپنا تھپڑ خود ہی اپنے منہ ہی پر پڑتا ہے۔ ’’واہ بھئی واہ!‘‘ ہم بے قصور اپنے آپ کو ہی مار رہے ہیں۔
سمجھ نہیں آتاکہ اپنی بدقسمتی پر قہقہے لگائوں یا آنسو بہائوں۔۔
ان مچھروں سے تنگ آکر میں تین بجے باہر صحن میں جاکر لیٹ گیا۔ اگر مچھروں نے کاٹنا ہی ہے تو اس گرم کمرے میں رہنے کا کیا فائدہ۔ باہرصحن میں ہی جا کر اپنے ہتھیار ڈال دوں۔ کم از کم کوئی بھولی بھٹکی ہوا کا جھونکا تو مل جائے شاید۔
٭٭٭٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

گرمی کی دوپہر ڈھلنے لگی تھی اور ارہر کے کھیت میں پڑتے ہوئے سائے آہستہ آہستہ لمبے ہوتے جا رہے تھے۔ اسی ڈھلتی دوپہر میں کشٹیا ضلع بورڈ کی سڑک پر ایک مسافر کہیں جا رہا تھا۔ اس نے گیروے رنگ کا تہ بند اور صدری پہن رکھی تھی۔ لمبوترے چہرے پر گھنی سفید ڈاڑھی اور ہاتھ میں اک تارا تھا۔ وہ بہت تھکا ہوا لگ رہا تھا، اس کی نگاہیں راستے پر نہیںبلکہ دور کہیں کھوئی ہوئی تھیں۔ گرمی کی تیز دھوپ میں ہر چیز جھلس کر رہ گئی تھی۔ اس جھلسے ہوئے رنگ کا حسن بیراگی کے دل کے رنگ سے مشابہ تھا شاید اسی لیے وہ اسے دیکھتا ہوا راستہ طے کر رہا تھا۔ گاہ بہ گاہ ان جانے میں اس کی انگلی اک تارے کی تار سے ٹکرا جاتی اور اس کی ٹنگ ٹنگ کی آواز دھوپ سے تپتی فضا میں ہلکی سی چیخ سن کر گونج اٹھتی مگر یہ گویا اس کی لاعلمی میں ہورہا تھا کیوں کہ مسافر کا دل تو اس وقت اک تارے کی موسیقی سے کہیں دور بھٹک رہا تھا، کسی دوسری دنیا کی سیر کررہا تھا۔ راستے میں سایہ دار درخت بھی تھے لیکن وہ ان درختوں کے سائے میں رکے بغیر چلا جا رہا تھا۔ وہاں سے تقریباً تین میل کی دوری پر ایک گاؤں تھا شاید وہی اُس کی منزل تھی۔
پہلے مسافر کے پیچھے پیچھے ایک اور مسافر بھی اسی راستے پر چل رہا تھا۔ اس کے قدم تیز تیز اٹھ رہے تھے۔ لگتا تھا، وہ آگے جاتے مسافر کے قریب پہنچنا چاہتا ہے۔ پہلے مسافر کو آواز دے کر روکا جا سکتا تھا، مگر دوسرا مسافر شاید آواز دینا نہیں چاہتا تھا۔ دوسرے مسافر کا چہرہ روکھا سوکھا سا تھا اور اس کی مونچھ اور اس کے دونوں بازوؤں کے بال سیاہ تھے۔ چہرہ چوڑا اور آنکھیں گول تھیں۔ اسے دیکھنے سے ایسا لگتا تھا جیسے وہ حکم دینے کا عادی رہا ہو، حکم کی تعمیل کا نہیں۔ راستے کی تکان دور کرنے کے لیے ہم سفر سے زیادہ بہتر کوئی چیز نہیں ہوتی شاید اسی لیے وہ تیز تیز قدم اٹھا رہا تھا۔ تیز چلنے کی وجہ سے اس کے چہرے پر تھکن کے آثار ابھر آئے تھے پھر بھی اس کی رفتار میں کمی نہیں آئی، وہ تیز تیز چلتا رہا۔ ذرا قریب پہنچ کر دوسرے مسافر نے پہلے کو آواز دی:
’’بھائی صاحب!‘‘

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
پہلے نے پیچھے مڑ کر دیکھا۔ دوسرے مسافر کو دیکھ کر اس کے ہونٹوں پر استقبالیہ مسکراہٹ پھیل گئی:
’’کیا آپ نے مجھے آواز دی ہے؟‘‘
’’جی ہاں۔‘‘
دوسرے مسافر نے جواب دیا۔
’’السلام علیکم۔‘‘
’’وعلیکم السلام۔‘‘
پہلے مسافر نے جواب دیا۔
’’آپ کہاں جا رہے ہیں؟‘‘
دوسرے مسافر نے پوچھا۔
’’وہ جو سامنے آبادی نظر آرہی ہے، وہیں جانا ہے مجھے۔‘‘
’’یہ تو بہت اچھی بات ہے۔‘‘
دوسرے مسافر نے کہا۔
’’میں بھی وہی جا رہا ہوں۔‘‘
’’چلیے پھر ساتھ ساتھ چلتے ہیں۔‘‘
پہلے مسافر نے خوشی کا اظہار کیا۔
راہ میں ہم سفر مل جائے تو راستے کی طوالت کا خوف دل سے نکل جاتا ہے شاید یہی وجہ تھی کہ وہ دونوں دھیرے دھیرے قدم اٹھانے لگے۔ دونوں ساتھ ساتھ چل رہے تھے، مگر ڈاڑھی والے مسافر کی نگاہیں دور خلا میں کچھ ڈھونڈ رہی تھیں۔ مونچھوں والے مسافر کی نگاہیں بار بار اپنے ہم سفر کی طرف اٹھ رہی تھیں۔ گرمی کے دنوں میں دورافق پر بہت تیز روشنی دکھائی دیتی ہے۔ افق کا یہ حال ہمیشہ نظر نہیں آتا۔ دوسرا مسافر بار بار اپنے ہم سفر کی طرف دیکھ کر اندازہ لگانے کی کوشش کر رہا تھا کہ اس کی نگاہوں کی جستجو کیا ہے اور وہ دور افق پر نظر جمائے کیا دیکھ رہا ہے۔ دوسرے مسافر نے کئی بار دور افق کی طرف دیکھا، پھر پہلے مسافر کی نگاہوں کے تعاقب میں اپنی نظریں پھیر لیں۔
پہلا مسافر خاموشی سے آہستہ آہستہ قدم بڑھا رہا تھا۔
دوسرے مسافر کو اس کی خاموشی اچھی نہیں لگی۔ آپس میں باتیں ہی نہ ہوں تو ہم سفری کیسی؟ اس نے خاموشی توڑنے کے لیے بلند آواز میں پہلے مسافر سے پوچھا:
’’بھائی صاحب! آپ گانا گاتے ہیں کیا؟‘‘
پہلا مسافر محویت سے چونک اٹھا: ’’آپ نے مجھ سے کچھ کہا بھائی صاحب؟‘‘
’’جی ہاں۔‘‘
دوسرے مسافر نے جواب دیا۔
پہلا مسافر دوسرے مسافر سے مخاطب ہو کر بولا: ’’کہیے؟‘‘
’’آپ گانا گاتے ہیں کیا؟‘‘
اس نے دوبارہ پوچھا۔
’’جی ہاں۔ گانا گاتا ہوں۔‘‘
’’تو پھر کوئی گانا سنائیے نا؟‘‘
دوسرا مسافر بولا۔
’’اگر آپ کو زحمت نہ ہو۔‘‘
’’زحمت کی کیا بات ہے؟‘‘
پہلے مسافر نے کہا۔
’’سننا چاہتے ہیں تو سنیے۔‘‘
گیروے لباس والے نے اک تارا سنبھال لیا اور گانے لگا۔
میں نے دل کے دریا میں ایک عجیب تماشا دیکھا۔
جسم کے اندر ایک گھر ہے۔
اس گھر میں چور گھس آیا ہے۔
چھے آدمیوں نے مل کر نقب لگائی ہے۔
جسم کے اندر ایک باغ ہے۔
اس میں مختلف اقسام کے پھول کھلے ہیں۔
پھولوں کی خوشبو سے ساری خلقت دیوانی ہو گئی ہے۔
لیکن لالن کا دل دیوانہ نہیں ہوا۔
نغمے اور موسیقی کے آب شار سے سنسنان میدان نے ہونٹوں میں پانی بھر کر اپنی پیاس بجھالی۔ دھوپ کی حدت پرے ہٹ گئی اور سروں کے اندر ساری دنیا ملفوف ہو گئی۔ گانا کب ختم ہوا، محسوس ہی نہیں ہوا۔
دوسرے مسافر نے اس سکوت میں اپنی آواز کا پتھر پھینکا۔
’’واہ واہ، آپ تو بہت اچھا گاتے ہیں۔‘‘
’’جی!‘‘
پہلے مسافر نے مختصر جواب دیا۔
’’آپ کا نغمہ بھی خوب تھا۔‘‘
دوسرے نے تعریفی انداز میں کہا۔
’’جی! بس یہی کچھ مجھے آتا ہے۔‘‘
’’نہیں، نہیں۔ سچ مچ آپ کی آواز میں بلاکالوچ اور درد ہے۔‘‘
دوسرا مسافر بولا۔ ’’میں نے ایسا نغمہ پہلے کبھی نہیں سنا!‘‘
’’کبھی نہیں سنا؟‘‘
پہلے مسافر نے حیرت سے پوچھا۔
’’جی نہیں۔‘‘ دوسرے مسافر نے جواب دیا۔
’’بہت خوب۔‘‘ پہلا مسافر مسکرایا۔
دونوں کے درمیان مزید گفتگو نہیں ہوئی۔ وہ دونوں پھر تیزقدم بڑھانے لگے تاکہ جلد از جلد منزل پر پہنچ سکیں۔
میدانی علاقہ ختم ہو گیا اور دونوں آبادی کے قریب پہنچ گئے۔ چاروں طرف درختوں کی قطاریں تھیں اور درختوں کے درمیان مکانات کھڑے تھے۔ پختہ عمارتیں اور ٹین کے گھر دکھائی دے رہے تھے۔ کچھ لوگ گھروں سے نکل کر اپنے اپنے کام پر جا رہے تھے۔ یہ دونوں آگے بڑھتے گئے مگر کسی نے ان دونوں کی طرف نظر اٹھا کر نہیں دیکھا۔
’’چلو، اتنی دیر بعد کچھ آدمی تو نظر آئے۔‘‘
پہلا مسافر بڑبڑایا۔
دونوں ایک دوراہے پر جا کر رک گئے۔ راستے کے دونوں طرف دور تک زمین خالی تھی۔ اس کے بعد متمول لوگوں کے مکانات اور تالاب تھے۔ ایک جگہ ایک ساتھ کئی عمارتیں تھیں اور پھلوں سے لدے ہوئے درختوں کا ایک بڑا سا باغ تھا۔
اس طرف نگاہ پڑتے ہی دوسرے مسافر نے اپنے بیراگی ہم سفر کا ہاتھ پکڑ کر اپنی طرف کھینچتے ہوئے کہا:
’’جلدی ادھر آئیے، وہ دیکھیے، وہ میرا گھر دکھائی دے رہا ہے، وہ میرا باغ ہے اور اس کے چاروں طرف جتنی زمینیں پھیلی ہوئی ہیں، وہ سب میری کاشت کی زمینیں ہیں۔ اس طرف آئیے۔ وہ جو ناریل کے پیڑوں کی لمبی قطار دکھائی دے رہی ہے نا، آپ ان پیڑوں کے ایک ناریل کا پانی پی لیں تو سات دن تک پیاس بجھ جائے۔‘‘
پہلے مسافر کو کوئی جواب دینے کا موقع نہیں ملا۔ اس کا ہاتھ دوسرے مسافر کی مٹھی میں تھا اور وہ اسے کھینچتے ہوئے اپنے ساتھ لے جا رہا تھا۔ دونوں ایک پختہ کنارے والے تالاب کے پاس جا کر رک گئے۔ تالاب کنارے ناریل کے سینکڑوں پیڑ تھے۔
دوسرے مسافر نے کہا:
’’آپ اس پیڑ کے سائے میں بیٹھ جائیے۔ میں ناریل توڑنے کا انتظام کرتا ہوں۔ یہ سب کچھ میرا ہے۔
یہ تالاب، یہ باغ باغیچہ، یہ پختہ عمارت اور وہ جو حد نظر تک پھیلی ہوئی کاشت کی زمینیں ہیں، وہ سب میری ہیں اور یہ گاؤں بھی میری ہی زمین پر آباد ہے اور وہ جو…‘‘
دوسرے مسافر کی بات ختم ہونے سے پہلے ہی بڑی بڑی مونچھوں والا ایک فربہ اندام شخص آکر ان دونوں کے درمیان کھڑا ہو گیا۔ وہ تالاب کنارے دو موٹے موٹے پیڑوں کے پیچھے کھڑا دوسرے مسافر کی باتیں سن رہا تھا۔ اس نے ان دونوں کو سر سے پاؤں تک گھور کر دیکھا پھر دوسرے مسافر کو مخاطب کرتے ہوئے بولا:
’’آپ کیا کہہ رہے تھے؟‘‘
’’میں کہہ رہا تھا کہ یہ باغ، یہ تالاب، یہ عمارت سبھی کچھ میرا ہے۔‘‘
دوسرے مسافر نے جواب دیا۔
’’آپ کا اسم شریف؟‘‘
اس آدمی نے پوچھا۔
’’سبحان جواردار۔‘‘

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

ثنا بڑی بے چینی سے اپنے شوہر واصف کا انتظار کرتے ہوئے کمرے میں چکر لگا رہی تھی۔ بالآخر اُس نے گاڑی کے ہارن کی آواز سُنی اور کھڑکی کی طرف بھاگی۔
’’شکر ہے۔‘‘ وہ بے دھڑک بولی۔
واصف گھر داخل ہوتے ہی اپنے کمرے کی طرف مُڑا۔
’’کیا ہوا واصف؟‘‘ باپ نے بیٹے کی بے چینی دیکھتے پوچھا۔
’’آآآ…کچھ نہیں پاپا… بس وہ ایک فائل رہ گئی تھی۔‘‘ اُس نے جھوٹ بولتے ہوئے بات سنبھالی۔
’’آرام سے بیٹا… تمہارے کمرے میں ہوگی۔‘‘ماں نے بھی چائے کا کپ رکھتے ہوئے دلاسا دیا۔
وہ بھاگتے ہوئے سیڑھیاں چڑھ کر اپنے کمرے میں پہنچا۔
’’کیا ہوگیا ہے ثنا؟ ایسی کون سی قیامت آگئی ہے کہ تم کالز پر کالز کرتی جارہی تھی۔‘‘ اُس نے غصے سے سرگوشی کی۔
’’واصف آپ کو اندازہ بھی ہے، اس گھر میں کیا ہو رہا ہے؟‘‘ وہ گھورتے ہوئے بولی۔
’’ارے ہوا کیا ہے؟ تم سیدھی طرح کیوں نہیں بتاتی؟‘‘
’’ماما پاپا شاہ میر کی بات مان کر اس کی شادی اُس دو ٹکے کی لڑکی ماہرہ کے ساتھ کروانے پر راضی ہوگئے ہیں۔‘‘ وہ غصے سے چلّائی۔
’’کیا؟ لیکن مجھ سے تو انہوں نے ایسی کوئی بات نہیں کی۔‘‘ وہ حیرانگی سے بولا۔
’’میں آپ کو بتا رہی ہوں واصف، آپ کے بھائی شاہ میر کی شادی صرف میری بہن ماہ نور سے ہوگی ورنہ…‘‘
’’ورنہ کیا؟‘‘ واصف نے اُس کی بات کاٹی۔
’’واصف آپ سمجھ نہیں رہے، اگر شاہ میر کی شادی ماہ نور سے ہوگی، تو آپ ساری زندگی اس کاروبار کے اکیلے مالک بن کر زندگی گزاریں گے، لیکن اگر کوئی باہر کی لڑکی گھر آگئی تو یہ راج دو دنوں میں ختم ہو سکتا ہے۔‘‘
’’لیکن ہم شاہ میر کے ساتھ زبردستی بھی تو نہیں کرسکتے۔‘‘واصف نے کہا۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
’’وہ ماما اور پاپا کا بہت پیارا ہے۔ اگر وہ لوگ نہیں مانیں گے، تو وہ ماہرہ سے کسی صورت شادی نہیں کرے گا۔‘‘ اُس نے واصف کے کان بھرے۔
’’تو تم کیا چاہتی ہو؟‘‘ اُس نے حیرانگی سے پوچھا۔
’’میں چاہتی ہوں کہ آپ ماما اور پاپا کو کسی بھی طرح اس رشتے کے حق میں نہ جانے دیں۔ اُس کا گھرانہ غریب ہے، تو آپ سٹیٹس کو اپنا ہتھیار بنا سکتے ہیں۔‘‘ اُس نے آہستہ سے مشورہ دیا۔
’’میں بات کرتا ہوں ماما سے۔‘‘ وہ تیزی سے مُڑا۔
٭…٭…٭
اُس نے بڑے ادب سے چائے پیتے ہوئے ماں باپ کو جوائن کیا۔
’’تمہاری فائل مل گئی بیٹا؟‘‘ ماں نے سوال کیا۔
’’جی ماں، وہ کمرے میں ہی تھی۔‘‘
’’شکر ہے۔‘‘ ماں نے تسلی سے جواب دیا اور بیٹے کو دیکھ کر مُسکرائی۔
’’سنو واصف… شاہ میر شادی کرنا چاہتا ہے۔‘‘ ماں نے آہستہ سے بات شروع کی۔
’’یہ تو اچھی بات ہے۔ دیر کس بات کی ہے کردیں اُس کی شادی۔‘‘ ماں نے واصف کی بات سُن کر اچانک اُس کے پاپا کی طرف دیکھا۔
’’مگر بیٹا وہ اپنی کلاس فیلو سے شادی کرنا چاہتا ہے۔‘‘
’’ہاں تو ٹھیک ہے اگر ان لوگوں کا سٹیٹس ہمارے ساتھ میچ کرتا ہے، تو کردیں وہاں شادی۔‘‘ اُس نے تسلی سے جواب دیا۔
’’یہی تو مسئلہ ہے واصف… وہ لڑکی ایک غریب پرائمری اسکول ٹیچر کی بیٹی ہے۔‘‘ باپ نے غصے کا اظہار کیا۔
’’کیا؟‘‘ واصف نے حیرانگی اور غصے سے چائے کا کپ میز پر رکھا۔
’’شاہ میر پاگل ہوچکا ہے؟ ہم بھلا شاہ میر کی شادی وہاں کیسے کرسکتے ہیں؟‘‘ اُس نے ماں کو گھورتے ہوئے کہا۔
’’مگر بیٹا وہ ضد کررہا ہے کہ وہ صرف اُسی سے شادی کرے گا۔‘‘
’’ماں پلیز… آپ اُسے سمجھائیں، شاہ میر کا اور اُس لڑکی کا کوئی جوڑ نہیں۔‘‘ وہ غصے سے کھڑا ہوگیا۔
’’میں کیا کروں؟ اُس کی مانوں یا تم لوگوں کی؟‘‘ ماں نے غصے سے پوچھا۔
’’آپ اُس کی شادی ماہ نور سے کیوں نہیں کروا دیتیں؟‘‘ اُس نے موقع سے فائدہ اُٹھاتے ہوئے کان میں بات ڈالی اور پھر اپنے کمرے میں چلا گیا۔
’’بات تو واصف کی بھی ٹھیک ہے۔‘‘ باپ نے مشورہ دیا۔
ماں غصے سے دوسری طرف دیکھنے لگی۔
٭…٭…٭
شاہ میر یونی ورسٹی سے آتے ہی ماں کے کمرے میں سلام کرنے گیا۔
ماں نے اُسے پیار سے دیکھا اور مُسکرائی، وہ سلام کرنے کے بعد واپس مڑا۔
’’رُکو شاہ میر… بیٹا مجھے تم سے کچھ بات کرنی ہے۔‘‘
’’جی ماما۔‘‘ اُس نے مڑ کر دیکھا۔
’’بیٹا ماہرہ تمہارے لائق نہیں، اُس کا اور تمہارا کوئی جوڑ نہیں۔ تم اُس سے شادی کی ضد چھوڑ دو۔‘‘ ماں نے نظریں چراتے ہوئے بیٹے کو ساری بات سمجھائی۔
’’لیکن ماما، وہ لڑکی پڑھی لکھی ہے، اچھی ہے، مجھے اِس کے علاوہ کچھ نہیں چاہیے۔‘‘ اُس نے بات سمجھانے کی کوشش کی۔
’’نہیں شاہ میر، بس اب میں دوبارہ تمہارے منہ سے یہ بات نہ سنوں۔ شادی کرنے سے صرف دو لوگ نہیں جڑتے بلکہ دو خاندان جڑتے ہیں۔‘‘
’’مگر میں شادی صرف ماہرہ سے کروں گا۔‘‘ وہ جوش سے بولا۔
’’تم ماہ نور سے شادی کیوں نہیں کرلیتے؟‘‘
’’ماہ نور جیسی آوارہ لڑکیوں میں مجھے کوئی دل چسپی نہیں۔‘‘ وہ چلّایا۔
’’بکواس بند کرو۔ وہ ثنا کی بہن ہے اور ثنا بھی تو اتنی اچھی اور فرماں بردار لڑکی ہے۔‘‘
’’میں آپ کو آخری دفعہ بتا رہا ہوں، میں صرف اور صرف ماہرہ سے شادی کروں گا۔‘‘ اُس نے گھورتے ہوئے اپنی بات مکمل کی اور کمرے سے چلا گیا۔
’’وہ میری کوئی بات سننے کو راضی نہیں ہے۔‘‘ ماں نے اُداسی سے واصف اور اُس کے باپ کو بتایا۔
وہ دونوں خاموشی سے ایک دوسرے کا چہرہ دیکھ رہے تھے۔
’’بیٹے کی خوشی سے بڑھ کر آخر کیا ہوتا ہے ماں باپ کے لیے۔‘‘ ماں نے غصے سے اپنے میاں کو دیکھا۔
واصف غصے سے ماں باپ کو گھورتے ہوئے کمرے میں چلا گیا۔
٭…٭…٭
شاہ میر کی ضد کو مانتے ہوئے ماں باپ نے اُس کا نکاح ماہرہ سے کروا دیا۔
ماہرہ نے پہلے دن ہی جانچ لیا کہ شاہ میر کے گھر والے اس رشتے پر خاص راضی نہ تھے، اُن سب کے لہجے، الفاظ کا ساتھ نہ دے رہے تھے۔ شادی کی پہلی رات ہی جب وہ کمرے میں داخل ہوا، تو ماہرہ نے اُس سے پوچھا۔
’’شاہ میر کیا تمہارے گھر والے اس شادی پر راضی نہیں تھے؟‘‘
’’نہیں ایسی کوئی بات نہیں ماہرہ۔‘‘ وہ جھجکتے ہوئے بولا۔
’’کیا تم نے مجھ سے جھوٹ بولا تھا کہ تمہارے گھر والے اس رشتے پر راضی ہیں۔‘‘ اُس نے آنسو بھری نگاہوں سے اُسے دیکھا۔
’’سب ٹھیک ہو جائے گا ماہرہ! ماما پاپا مجھ سے بہت پیار کرتے ہیں۔ وہ کچھ دنوں میں ٹھیک ہو جائیں گے۔ میں تم سے وعدہ کرتا ہوں میں سب ٹھیک کردوں گا۔‘‘
’’شاہ میر تم پر تمہارے والدین کا حق سب سے پہلے ہے۔ اگر وہ راضی نہیں تھے، تو تمہیں مجھ سے شادی نہیں کرنی چاہیے تھی۔‘‘ اُس نے مایوسی سے کہا۔
’’میں تم سے وعدہ کرتا ہوں ماہرہ، میں ماما، پاپا کو منالوں گا۔ تمہارے علاوہ میں اپنی زندگی میں کسی اور کا تصور بھی نہیں کرسکتا۔‘‘ اُس نے اُس کے ہاتھ پر ہاتھ رکھتے ہوئے کہا۔
ماہرہ نے بھی شاہ میر پر بھروسا کرتے ہوئے اُسے معاف کردیا۔
٭…٭…٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

پوری یونیورسٹی میں یہ خبر جنگل کی آگ کی طرح پھیل چکی تھی کہ جنت نے خودکشی کر لی۔ اس کے فیس بک اکاوؑنٹ پر بڑا بڑا RIP لکھا ہوا تھا۔
نجیب نے دیکھا، تو اس کی آنکھوں کے سامنے اندھیرا چھا گیا۔ جنت مر گئی۔
زندگی اس کے ساتھ کیسی چال چل گئی اس کی سمجھ نہیں آرہا تھا یہ کیسے ہو سکتا ہے۔ حسین سنہری دھوپ جیسی آنکھوں والی لڑکی ہمیشہ کے لیے اندھیرا کر گئی۔ حسین آنکھیں بند ہو گئیں وہ اپنی عزت سے ڈر گئی ہو گی۔
میری بے وفائی سے خوف زدہ ہو گئی ہو گی۔
نجیب نے گھبرا کر اِدھر اُدھر دیکھا۔
نہیں اس کی وجہ یہی ہے کہ اس کی عمر اتنی ہی ہو گی۔
خود کو بہلانے کے لیے نجیب نے بے وقوفی سے سوچا، لیکن خودکشی گناہ ہے کچھ بھی سہی جنت کو یہ گناہ نہیں کرنا چاہیے تھا۔
نجیب کا دل جیسے کسی نے مٹھی میں لے کر بھینچا۔ گناہ و ثواب کی باتیں وہ کیسے کر سکتا ہے۔ وہ کون ہوتا ہے کرنے والا۔
اس دن گھر آکر بھی وہ بہت بے چین رہا کسی بہت بھیانک خواب سے جاگنے کے بعد آنکھیں بند ہونے سے بھی ڈرنے لگتی ہیں۔ بالکل ایسے ہی نجیب نے موبائل پہ فیس بک کو ڈیلیٹ کر دیا، لیکن ظاہر ہے ڈیلیٹ نہیں ہوئی تھی۔ وہیں موجود تھی۔ ڈیلیٹ تو صرف موبائل سے ہوئی تھی۔
ندا نے کھانے کا پوچھا۔ نجیب نے انکار کر دیا۔
امی نے طبیعت کا پوچھا۔ نجیب نے ’’ٹھیک ہوں‘‘ کہہ کے ٹال دیا۔ ابو نے امتحانوں کا پوچھا اس نے جھوٹے لفظوں سے تسلی دے دی۔
جھوٹے سچے لفظ چننا، تو اس کے بائیں ہاتھ کا کھیل تھا۔
نجیب نے اپنا بایاں ہاتھ دیکھا ابھی کل ہی تو جنت نے اس کا ہاتھ پکڑ کر التجا کی تھی۔ کل صرف چند گھنٹے پہلے اس نے کہا تھا۔
’’نجیب، میری تو زندگی تم ہو۔‘‘
نجیب نے اس کا ہاتھ جھٹک دیا۔
جنت کی سنہری آنکھیں آبدیدہ ہو گئیں۔
نجیب نے کہا۔
’’تم جیسی لڑکیاں اپنا گناہ چھپانے کے لیے کچھ بھی کہہ سکتی ہیں۔ تم جیسی لڑکیاں کسی کے ساتھ بھی وقت گزار سکتی ہیں۔ تم جیسی… تم جیسی…‘‘
نجیب اندھیرے کمرے میں بیٹھا ان دولفظوں کی تکرار سے گھبرا گیا۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
ساری رات جاگ کر گزاری۔ اس ایک رات نے اس کو بالکل بدل دیا۔
کسی کی موت کی وجہ بننے کے بارے میں، تو اس نے کبھی سوچا ہی نہیں تھا۔ اس نے تو زندگی کو صرف قہقہہ سمجھا۔
اس نے کسی کی زندگی کو موت کا پھندہ بنا دیا۔ وہ کلاس روم میں بیٹھے بیٹھے گم ہو جاتا۔ عبداللہ نے ایسے میں اس کا سچا دوست ہونے کا ثبوت دیا۔ جب جب وہ گم ہوتا عبداللہ اُسے ٹوک دیتا۔ اس کو ماضی سے کھینچ لاتا۔
اس دن بھی وہ یونی کے سنسان کونے میں آنکھیں صاف کر رہا تھا جب عبداللہ نے کہا تھا۔
’’یار بس آگے چل کب تک پلٹ پلٹ کر دیکھتا رہے گا؟‘‘
نجیب نے عبداللہ کو اس طرح دیکھا جیسے پوچھ رہا ہو کیا یہ اتنا آسان ہے۔
عبداللہ نے سچے دوست کی طرح نجیب کے غم کو محسوس کیا۔ اس کے ہاتھ پر ہاتھ رکھا اور بولا۔
’’یہ سب بہت مشکل ہے، لیکن اگر تو سمجھتا ہے زندگی مشکلات کا نام ہے، تو غلط ہے۔ زندگی مشکلات کے حل کا نام ہے۔ ہم ایک جگہ الجھ کر نہیں بیٹھ سکتے میرے یار۔
مجھے جنت سے محبت نہیں تھی۔ کاش ہوتی۔ ہو پاتی، لیکن اس وقت تو میں کسی سے بھی محبت نہیں کر رہا تھا۔ میرے اندر اس احساس نے کبھی سر ہی نہیں اٹھایا ، مگر اس کی موت کا غم مل گیا۔
’’شاید مجھے اس کی موت کا غم نہیں ہے، وجہ موت بن جانے کا غم ہے۔‘‘نجیب نے خود سے کہا۔
’’ہاں شاید۔‘‘ اُس نے جیسے سانس لی۔ دکھی آزردہ سانس۔
نجیب ساری شام عبداللہ سے بے معنی گفتگو کرتا رہا۔
’’یار کسی کے لیے کوئی مر بھی سکتا ہے؟‘‘
’’مر بھی سکتا ہے، لیکن اس کو تیری بے وفائی سے زیادہ اس بات کا غم مار گیا کہ وہ اس حالت میں ہے اور کسی کو کیا منہ دکھائے گی۔‘‘
’’اس کے پاس مرنے کی بہت زیادہ وجہیں تھیں اور ہر وجہ میں تھا۔‘‘ نجیب نے عبداللہ کے سامنے مجرمانہ اقرار کیا۔
’’اچھا آج جی بھر کے باتیں کر اچھی بری ساری۔ ساری بھڑاس نکال دے اور کل صبح نماز پڑھ کے اللہ سے اپنے لیے دعا کرنا۔ حاجت کی نماز پڑھنا اور اللہ سے گڑگڑا کے توبہ کرنا۔ وہ توبہ قبول کرنے والا ہے۔‘‘
نجیب نے عبداللہ کو حیران ہو کر دیکھا اور پھیکی ہنسی کے ساتھ بولا۔
’’جس اللہ کی مخلوق نے میری وجہ سے خودکشی کی اسی اللہ سے معافی مانگوں۔ وہ کیسے معاف کرے گا؟‘‘
’’کر دے گا۔‘‘ عبداللہ نے یقین سے کہا۔
’’کیوں کہ وہ اللہ ہے اور اللہ ہی اس بات پر قادر ہے۔وہ کس کو معاف کرے کس کو نہ کرے۔‘‘
’’اور اگر معافی نہ ملی تو؟‘‘ نجیب نے خوف زدہ ہو کر سوچا۔
’’ملے گی۔ ضرور ملے گی۔‘‘
نجیب، عبداللہ کی بات پر واقعی بہل گیا جس نے ایک عرصے سے سجدے میں سر نہیں جھکایا تھا۔ فجر کے وقت الارم لگا کر سویا اور سویا بھی کیا خاک سارا وقت الارم اور اذان کے انتظار میں تھوڑی دیر دیر میں جاگتا رہا۔ الارم اور اذان سے پہلے وہ آنکھیں کھول کے چھت والے پنکھے کو گھور رہا تھا۔ الارم بند کر کے وہ وضو کرنے چلا گیا۔ واش بیسن کے سامنے اس نے اپنا چہرہ دیکھا۔ آنکھوں کے نیچے سیاہی تھی۔ خود بہ خود آنکھوں میں آنسو آگئے اور شاید کئی آنسو اس نے وضو کرتے بہا دیے تھے۔
نماز کے بعد نفل پڑھ کے کتنی دیر وہ اللہ سے باتیں کرتا رہا۔ سجدہ اتنا لمبا ہو گیا کہ اگر کوئی دیکھ لیتا تو یہی سوچتا نجیب مر چکا ہے اور واقعی حقیقت دیکھی جائے تو نجیب زندہ ہی کہاں تھا۔
بہت دیر بعد سر اٹھایا۔ جائے نماز بھیگ چکی اور آنکھیں رونے سے بھاری ہو گئی تھیں۔ سر تو کئی دنوں سے بوجھل تھا۔
ناشتے کی میز پر ابو نے سب سے پہلے نوٹس کیا۔
’’تم صبح بہت جلدی اٹھ گئے تھے۔‘‘
’’جی۔‘‘ نجیب نے سرجھکا کر یوں اقرار کیا گویا کوئی جرم کیا ہو۔
’’میں نماز کے لیے اٹھا، تو نجیب جاگ رہا تھا۔ عابدہ‘‘
انہوں نے اپنی حیرت میں بیوی کو بھی شامل کیا۔
عابدہ حیران ہو کر بولیں۔ ’’نماز کے لیے اٹھے تھے؟‘‘
’’نماز ہی پڑھ رہا تھا۔‘‘
نجیب نے باپ کی بات پر چونک کے سر اٹھایا۔
’’آپ میرے کمرے میں آئے تھے؟‘‘
’’آیا تھا۔‘‘
’’اوہ۔ مجھے پتا ہی نہیں چلا۔‘‘
ابو نے مسکرا کے تھوڑی شرارت سے کہا۔ ’’میاں اتنے لمبے سجدے تو خاص وقت میں ہی ہوا کرتے ہیں۔‘‘
نجیب ایک لمحے تو گڑبڑا گیا۔
’’کسی سے محبت ہو گئی ہے کیا؟‘‘
ندا کالج جا چکی تھی ورنہ وہ بھی ابو کی صاف گوئی پر حیران ہوتی۔ عابدہ مسکرا دیں۔ نجیب خفت سے ہنس دیا۔
’’نہیں ابو۔‘‘
وہ حیرت سے ہونٹوں کو لٹکا کر بولے۔’’حیرت ہے۔‘‘ اور ساتھ ہی مسکرا دیے۔
’’اچھا… اللہ تمہارے سجدے قبول کرے۔ ناشتا کرو۔‘‘
ناشتا پھر کس کم بخت نے کرنا تھا اس کے حلق میں پانی روٹی کے سخت نوالے کی طرح پھنس گیا۔
ابو اٹھے تو عابدہ نے نجیب کے سنورے ہوئے بالوں میں انگلیاں پھنسائیں اور محبت سے کہا۔
’’کیا بات ہے بیٹا؟‘‘
نجیب نے عابدہ کے ہاتھوں پر پیار کیا۔
’’کچھ نہیں امی۔‘‘
’’جانے ماں اتنی وہمی کیوں ہوتی ہے لفظوں کی ہیرا پھیری سمجھ ہی نہیں پاتی۔‘‘ عابدہ بھی دہل گئیں کہنے لگیں۔
’’اللہ نہ کرے کچھ ہو۔‘‘
نجیب نے چائے کا آخری گھونٹ بھرا اور اٹھ گیا۔ عابدہ کو گلے لگا کے پیار کیا۔ آج وہ بہت آسودہ تھا۔ اس کو تو معلوم ہی نہیں تھا کہ اللہ کے سامنے رونے سے جی اتنا ہلکا ہو جاتا ہے۔
٭…٭…٭
خیر پہلے جیسا معاملہ تو نہیں تھا ،لیکن حالات قدرے بہتر ہو گئے۔ اس نے عبداللہ کا شکریہ بھی ادا کیا تھا۔ پڑھائی میں دل لگانے کی بھرپور کوشش شروع کی تھی۔ فیس بک پر مکمل پرائیویسی لگ چکی تھی۔
میسجز کے آخر میں نجیب کی محنت رنگ لائی اچھنے نمبرز سے پاس ہونے کی نوید نے اُسے یقین دلا دیا کہ اس کا معافی نامہ قبول ہو چکا ہے۔ اس کے ذہن پر اب پہلے جیسا بوجھ بھی نہیں رہا۔ یوں بھی وقت کی مرحمی طبیعت سے کون واقف نہیں۔
بڑے سے بڑے غم پر ایسے کھرنڈ لے آتا ہے جیسے کبھی کوئی زخم ملا ہی نہ ہو یا پھر یوں سمجھ لیں نشان رہ بھی جائے زخموں کا درد جاتا رہتا ہے۔ یہ بات وہی تھی۔ اس نے ایک اور کلاس فیلو سے یونی کے مشاعرے کی تصویریں شیئر کیں۔ تب اسے اپنی پرائیویسی کھولنی پڑی۔
فیس بک کھل گیا جن یادوں کے دفتر کو تالا لگا تھا وہ بھی کھل گئے۔ وہ دبے پاؤں کئی پیر پکڑی غم زدہ تصویروں سے بچتا بچاتا مشاعرے کی تصویروں تک پہنچا۔ بہت اچھا مشاعرہ تھا۔ اس کو دوبارہ سن کر بھی اچھا لگ رہا تھا۔ اس میں اچانک نوٹیفکیشن کی بیپ بجی۔
زارا کی فرینڈ ریکویسٹ سامنے تھی۔
نجیب شاہ نے اگنور کر دیا۔
میسنجر پہ میسج آیا۔ Add me.
نجیب کے ذہن میں ایک چھناکا ہوا۔
اس نے کتنے دن جنت کے در پر ٹکریں ماری تھیں۔
Add me. Add me.
زارا کی درخواست کو اگنور کر کے وہ آگے نکل گیا، مگر کئی دن یہ درخواست دستک دیتی رہی۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

پوری یونیورسٹی میں یہ خبر جنگل کی آگ کی طرح پھیل چکی تھی کہ جنت نے خودکشی کر لی۔ اس کے فیس بک اکاوؑنٹ پر بڑا بڑا RIP لکھا ہوا تھا۔
نجیب نے دیکھا، تو اس کی آنکھوں کے سامنے اندھیرا چھا گیا۔ جنت مر گئی۔
زندگی اس کے ساتھ کیسی چال چل گئی اس کی سمجھ نہیں آرہا تھا یہ کیسے ہو سکتا ہے۔ حسین سنہری دھوپ جیسی آنکھوں والی لڑکی ہمیشہ کے لیے اندھیرا کر گئی۔ حسین آنکھیں بند ہو گئیں وہ اپنی عزت سے ڈر گئی ہو گی۔
میری بے وفائی سے خوف زدہ ہو گئی ہو گی۔
نجیب نے گھبرا کر اِدھر اُدھر دیکھا۔
نہیں اس کی وجہ یہی ہے کہ اس کی عمر اتنی ہی ہو گی۔
خود کو بہلانے کے لیے نجیب نے بے وقوفی سے سوچا، لیکن خودکشی گناہ ہے کچھ بھی سہی جنت کو یہ گناہ نہیں کرنا چاہیے تھا۔
نجیب کا دل جیسے کسی نے مٹھی میں لے کر بھینچا۔ گناہ و ثواب کی باتیں وہ کیسے کر سکتا ہے۔ وہ کون ہوتا ہے کرنے والا۔
اس دن گھر آکر بھی وہ بہت بے چین رہا کسی بہت بھیانک خواب سے جاگنے کے بعد آنکھیں بند ہونے سے بھی ڈرنے لگتی ہیں۔ بالکل ایسے ہی نجیب نے موبائل پہ فیس بک کو ڈیلیٹ کر دیا، لیکن ظاہر ہے ڈیلیٹ نہیں ہوئی تھی۔ وہیں موجود تھی۔ ڈیلیٹ تو صرف موبائل سے ہوئی تھی۔
ندا نے کھانے کا پوچھا۔ نجیب نے انکار کر دیا۔
امی نے طبیعت کا پوچھا۔ نجیب نے ’’ٹھیک ہوں‘‘ کہہ کے ٹال دیا۔ ابو نے امتحانوں کا پوچھا اس نے جھوٹے لفظوں سے تسلی دے دی۔
جھوٹے سچے لفظ چننا، تو اس کے بائیں ہاتھ کا کھیل تھا۔
نجیب نے اپنا بایاں ہاتھ دیکھا ابھی کل ہی تو جنت نے اس کا ہاتھ پکڑ کر التجا کی تھی۔ کل صرف چند گھنٹے پہلے اس نے کہا تھا۔
’’نجیب، میری تو زندگی تم ہو۔‘‘
نجیب نے اس کا ہاتھ جھٹک دیا۔
جنت کی سنہری آنکھیں آبدیدہ ہو گئیں۔
نجیب نے کہا۔
’’تم جیسی لڑکیاں اپنا گناہ چھپانے کے لیے کچھ بھی کہہ سکتی ہیں۔ تم جیسی لڑکیاں کسی کے ساتھ بھی وقت گزار سکتی ہیں۔ تم جیسی… تم جیسی…‘‘
نجیب اندھیرے کمرے میں بیٹھا ان دولفظوں کی تکرار سے گھبرا گیا۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
ساری رات جاگ کر گزاری۔ اس ایک رات نے اس کو بالکل بدل دیا۔
کسی کی موت کی وجہ بننے کے بارے میں، تو اس نے کبھی سوچا ہی نہیں تھا۔ اس نے تو زندگی کو صرف قہقہہ سمجھا۔
اس نے کسی کی زندگی کو موت کا پھندہ بنا دیا۔ وہ کلاس روم میں بیٹھے بیٹھے گم ہو جاتا۔ عبداللہ نے ایسے میں اس کا سچا دوست ہونے کا ثبوت دیا۔ جب جب وہ گم ہوتا عبداللہ اُسے ٹوک دیتا۔ اس کو ماضی سے کھینچ لاتا۔
اس دن بھی وہ یونی کے سنسان کونے میں آنکھیں صاف کر رہا تھا جب عبداللہ نے کہا تھا۔
’’یار بس آگے چل کب تک پلٹ پلٹ کر دیکھتا رہے گا؟‘‘
نجیب نے عبداللہ کو اس طرح دیکھا جیسے پوچھ رہا ہو کیا یہ اتنا آسان ہے۔
عبداللہ نے سچے دوست کی طرح نجیب کے غم کو محسوس کیا۔ اس کے ہاتھ پر ہاتھ رکھا اور بولا۔
’’یہ سب بہت مشکل ہے، لیکن اگر تو سمجھتا ہے زندگی مشکلات کا نام ہے، تو غلط ہے۔ زندگی مشکلات کے حل کا نام ہے۔ ہم ایک جگہ الجھ کر نہیں بیٹھ سکتے میرے یار۔
مجھے جنت سے محبت نہیں تھی۔ کاش ہوتی۔ ہو پاتی، لیکن اس وقت تو میں کسی سے بھی محبت نہیں کر رہا تھا۔ میرے اندر اس احساس نے کبھی سر ہی نہیں اٹھایا ، مگر اس کی موت کا غم مل گیا۔
’’شاید مجھے اس کی موت کا غم نہیں ہے، وجہ موت بن جانے کا غم ہے۔‘‘نجیب نے خود سے کہا۔
’’ہاں شاید۔‘‘ اُس نے جیسے سانس لی۔ دکھی آزردہ سانس۔
نجیب ساری شام عبداللہ سے بے معنی گفتگو کرتا رہا۔
’’یار کسی کے لیے کوئی مر بھی سکتا ہے؟‘‘
’’مر بھی سکتا ہے، لیکن اس کو تیری بے وفائی سے زیادہ اس بات کا غم مار گیا کہ وہ اس حالت میں ہے اور کسی کو کیا منہ دکھائے گی۔‘‘
’’اس کے پاس مرنے کی بہت زیادہ وجہیں تھیں اور ہر وجہ میں تھا۔‘‘ نجیب نے عبداللہ کے سامنے مجرمانہ اقرار کیا۔
’’اچھا آج جی بھر کے باتیں کر اچھی بری ساری۔ ساری بھڑاس نکال دے اور کل صبح نماز پڑھ کے اللہ سے اپنے لیے دعا کرنا۔ حاجت کی نماز پڑھنا اور اللہ سے گڑگڑا کے توبہ کرنا۔ وہ توبہ قبول کرنے والا ہے۔‘‘
نجیب نے عبداللہ کو حیران ہو کر دیکھا اور پھیکی ہنسی کے ساتھ بولا۔
’’جس اللہ کی مخلوق نے میری وجہ سے خودکشی کی اسی اللہ سے معافی مانگوں۔ وہ کیسے معاف کرے گا؟‘‘
’’کر دے گا۔‘‘ عبداللہ نے یقین سے کہا۔
’’کیوں کہ وہ اللہ ہے اور اللہ ہی اس بات پر قادر ہے۔وہ کس کو معاف کرے کس کو نہ کرے۔‘‘
’’اور اگر معافی نہ ملی تو؟‘‘ نجیب نے خوف زدہ ہو کر سوچا۔
’’ملے گی۔ ضرور ملے گی۔‘‘
نجیب، عبداللہ کی بات پر واقعی بہل گیا جس نے ایک عرصے سے سجدے میں سر نہیں جھکایا تھا۔ فجر کے وقت الارم لگا کر سویا اور سویا بھی کیا خاک سارا وقت الارم اور اذان کے انتظار میں تھوڑی دیر دیر میں جاگتا رہا۔ الارم اور اذان سے پہلے وہ آنکھیں کھول کے چھت والے پنکھے کو گھور رہا تھا۔ الارم بند کر کے وہ وضو کرنے چلا گیا۔ واش بیسن کے سامنے اس نے اپنا چہرہ دیکھا۔ آنکھوں کے نیچے سیاہی تھی۔ خود بہ خود آنکھوں میں آنسو آگئے اور شاید کئی آنسو اس نے وضو کرتے بہا دیے تھے۔
نماز کے بعد نفل پڑھ کے کتنی دیر وہ اللہ سے باتیں کرتا رہا۔ سجدہ اتنا لمبا ہو گیا کہ اگر کوئی دیکھ لیتا تو یہی سوچتا نجیب مر چکا ہے اور واقعی حقیقت دیکھی جائے تو نجیب زندہ ہی کہاں تھا۔
بہت دیر بعد سر اٹھایا۔ جائے نماز بھیگ چکی اور آنکھیں رونے سے بھاری ہو گئی تھیں۔ سر تو کئی دنوں سے بوجھل تھا۔
ناشتے کی میز پر ابو نے سب سے پہلے نوٹس کیا۔
’’تم صبح بہت جلدی اٹھ گئے تھے۔‘‘
’’جی۔‘‘ نجیب نے سرجھکا کر یوں اقرار کیا گویا کوئی جرم کیا ہو۔
’’میں نماز کے لیے اٹھا، تو نجیب جاگ رہا تھا۔ عابدہ‘‘
انہوں نے اپنی حیرت میں بیوی کو بھی شامل کیا۔
عابدہ حیران ہو کر بولیں۔ ’’نماز کے لیے اٹھے تھے؟‘‘
’’نماز ہی پڑھ رہا تھا۔‘‘
نجیب نے باپ کی بات پر چونک کے سر اٹھایا۔
’’آپ میرے کمرے میں آئے تھے؟‘‘
’’آیا تھا۔‘‘
’’اوہ۔ مجھے پتا ہی نہیں چلا۔‘‘
ابو نے مسکرا کے تھوڑی شرارت سے کہا۔ ’’میاں اتنے لمبے سجدے تو خاص وقت میں ہی ہوا کرتے ہیں۔‘‘
نجیب ایک لمحے تو گڑبڑا گیا۔
’’کسی سے محبت ہو گئی ہے کیا؟‘‘
ندا کالج جا چکی تھی ورنہ وہ بھی ابو کی صاف گوئی پر حیران ہوتی۔ عابدہ مسکرا دیں۔ نجیب خفت سے ہنس دیا۔
’’نہیں ابو۔‘‘
وہ حیرت سے ہونٹوں کو لٹکا کر بولے۔’’حیرت ہے۔‘‘ اور ساتھ ہی مسکرا دیے۔
’’اچھا… اللہ تمہارے سجدے قبول کرے۔ ناشتا کرو۔‘‘
ناشتا پھر کس کم بخت نے کرنا تھا اس کے حلق میں پانی روٹی کے سخت نوالے کی طرح پھنس گیا۔
ابو اٹھے تو عابدہ نے نجیب کے سنورے ہوئے بالوں میں انگلیاں پھنسائیں اور محبت سے کہا۔
’’کیا بات ہے بیٹا؟‘‘
نجیب نے عابدہ کے ہاتھوں پر پیار کیا۔
’’کچھ نہیں امی۔‘‘
’’جانے ماں اتنی وہمی کیوں ہوتی ہے لفظوں کی ہیرا پھیری سمجھ ہی نہیں پاتی۔‘‘ عابدہ بھی دہل گئیں کہنے لگیں۔
’’اللہ نہ کرے کچھ ہو۔‘‘
نجیب نے چائے کا آخری گھونٹ بھرا اور اٹھ گیا۔ عابدہ کو گلے لگا کے پیار کیا۔ آج وہ بہت آسودہ تھا۔ اس کو تو معلوم ہی نہیں تھا کہ اللہ کے سامنے رونے سے جی اتنا ہلکا ہو جاتا ہے۔
٭…٭…٭
خیر پہلے جیسا معاملہ تو نہیں تھا ،لیکن حالات قدرے بہتر ہو گئے۔ اس نے عبداللہ کا شکریہ بھی ادا کیا تھا۔ پڑھائی میں دل لگانے کی بھرپور کوشش شروع کی تھی۔ فیس بک پر مکمل پرائیویسی لگ چکی تھی۔
میسجز کے آخر میں نجیب کی محنت رنگ لائی اچھنے نمبرز سے پاس ہونے کی نوید نے اُسے یقین دلا دیا کہ اس کا معافی نامہ قبول ہو چکا ہے۔ اس کے ذہن پر اب پہلے جیسا بوجھ بھی نہیں رہا۔ یوں بھی وقت کی مرحمی طبیعت سے کون واقف نہیں۔
بڑے سے بڑے غم پر ایسے کھرنڈ لے آتا ہے جیسے کبھی کوئی زخم ملا ہی نہ ہو یا پھر یوں سمجھ لیں نشان رہ بھی جائے زخموں کا درد جاتا رہتا ہے۔ یہ بات وہی تھی۔ اس نے ایک اور کلاس فیلو سے یونی کے مشاعرے کی تصویریں شیئر کیں۔ تب اسے اپنی پرائیویسی کھولنی پڑی۔
فیس بک کھل گیا جن یادوں کے دفتر کو تالا لگا تھا وہ بھی کھل گئے۔ وہ دبے پاؤں کئی پیر پکڑی غم زدہ تصویروں سے بچتا بچاتا مشاعرے کی تصویروں تک پہنچا۔ بہت اچھا مشاعرہ تھا۔ اس کو دوبارہ سن کر بھی اچھا لگ رہا تھا۔ اس میں اچانک نوٹیفکیشن کی بیپ بجی۔
زارا کی فرینڈ ریکویسٹ سامنے تھی۔
نجیب شاہ نے اگنور کر دیا۔
میسنجر پہ میسج آیا۔ Add me.
نجیب کے ذہن میں ایک چھناکا ہوا۔
اس نے کتنے دن جنت کے در پر ٹکریں ماری تھیں۔
Add me. Add me.
زارا کی درخواست کو اگنور کر کے وہ آگے نکل گیا، مگر کئی دن یہ درخواست دستک دیتی رہی۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

موبائل کی اسکرین چمکی اور سیاہ ہو گئی۔ کلاس میں بیٹھے نجیب کی نظر میز پر رکھے اپنے موبائل پر پڑی۔ اس کے ماتھے پر چند شکنیں ابھریں اور ڈوب گئیں۔ اس نے پھیپھڑوں کو تنفس کی آزاری سے آزاد کیا۔ اس کے بالکل ساتھ والی کرسی پر بیٹھا عبداللہ، نجیب کے چہرے پر چھائی خاموش پریشانی کو محسوس کررہا تھا۔
کلاس ختم ہوئی تو سب لڑکے لڑکیاں باہر نکل آئے مگر نجیب نہ اٹھا۔ عبداللہ نے اپنی کرسی گھسیٹ کر نجیب کے بالکل قریب کر لی اور جھلا کے بولا۔
’’یار تیرا مسئلہ کیا ہے؟‘‘
نجیب نے ایک خاموش نظر عبداللہ پر ڈالی اور سرجھکا لیا ۔
’’بتا نا یار۔‘‘
’’کیا تجھے پتا نہیں، نجیب نے زچ ہو کر پوچھا۔تو نہیں جانتا؟‘‘
’’سب جانتا ہوں، لیکن زندگی آگے بڑھنے کا نام ہے۔‘‘
نجیب کا چہرہ کرخت ہو گیا۔ اس نے تلخی سے کہا۔
’’اب جب میں کسی سے بات ہی نہیں کرنا چاہتا۔ کوئی تعلق ہی نہیں رکھنا چاہتا، تو کوئی کیوں مجھے ریکوئسٹ بھیج رہا ہے۔‘‘
عبداللہ نے نرمی سے نجیب کے کندھے پر ہاتھ رکھا جیسے دلاسا دے رہا ہو۔
’’جو ہوا… اسے بھول جا… دفع کر۔ زندگی بہت خوب صورت ہے۔ یہ بار بار نہیں ملتی۔ اس کو روگ تھوڑی لگانا ہے۔‘‘
نجیب نے عبداللہ کو اس طرح دیکھا جیسے وہ کسی اور زبان سے بات کر رہا ہو۔ اس کی سمجھ میں کچھ نہ آرہا ہو۔
’’ایک لڑکی تھی، تجھے چاہتی تھی۔ تیرے عشق میں اس نے خودکشی کرلی۔ یہی نا اس میں تیرا کیا قصور؟ بول۔‘‘
نجیب نے کوئی جواب نہیں دیا اور اپنی جگہ سے اٹھ کر کلاس سے نکل گیا۔ عبداللہ اس کے پیچھے پیچھے ہی نکلا، لیکن بہت بور ہو رہا تھا۔ نجیب پر اسے رہ رہ کر غصہ آتا۔ اس کی خاموشی عبداللہ کو الجھن اور غصے میں مبتلا کردیتی۔ لڑکی اپنی موت کی خود ذمہ دار تھی۔ نجیب نے تھوڑی کہا تھا مرجاوؑ۔
مگر نجیب جانتا تھا اس نے کہا نہیں لیکن ایسے حالات پیدا کر دیے کہ وہ مر گئی۔ جنت مر گئی۔
وہ حسین، کومل، محبت کرنے والی لڑکی جس نے نجیب کو سچے دل سے چاہا۔ مر گئی۔
موت اتنی آسان ہو گئی۔ اتنی مہربان۔
نجیب کی آنکھیں سلگنے لگیں۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
’’آج لڑکوں کا سب سے بڑا مسئلہ ہے کہ کوئی لڑکی انوالو نہیں ہوتی ہو جائے تو وفا نہیں ہوتی۔ اسی میں تو یہ ساری خوبیاں تھیں۔‘‘
’’بہت بدقسمت ہو نجیب شاہ، بہت بدقسمت۔ بن مانگی مراد راس نہ آئی تجھے۔ جنت کا خیال بھی اس کو ہلا کے رکھ دیتا۔
اس کی سوز میں ڈوبی محبت بھری آواز آج بھی سرگوشی کرتی۔
اف کیسے سمجھاؤں کسی کو اس کی قربت اس کی آنکھوں کا نشہ۔
میری بدقسمتی کی داستان۔ اس کی آخری ملاقات۔ آنسوؤں میں ڈوبی۔
’’نجیب میں مر جاؤں گی۔‘‘
نجیب نے قہقہہ لگایا۔
’’کبھی کسی کو کسی کے لیے مرتے دیکھا نہیں۔‘‘
’’تو اب دیکھ لینا۔‘‘
’’ویری فنی…‘‘
اور صبح خبر آئی۔
’’جنت…‘‘
نجیب کا دل ایک لمحے کو دھڑکنا بند ہو گیا۔ آنکھوں کے سامنے اندھیرا چھا گیا۔ پیروں کے نیچے سے زمین نکل گئی۔ اس صبح اس نے جب موبائل آن کیا تھا۔ کیسے پتھر کا ہو گیا تھا۔ کاش۔ کاش ایسا نہ ہوا ہوتا۔
لڑکوں نے مذاق اڑایا۔
’’یار ہم میں سے کسی پر مر جاتی۔ مر گئی کسی کے کام نہ آئی۔‘‘
لڑکیاں دکھی ہو رہی تھیں اس کی موت کا اصل سبب تو کوئی جانتا ہی نہیں تھا۔ کسی کو خبر نہیں تھی کہ…
اس حادثے نے نجیب کو ہلا کے رکھ دیا تھا۔ وہ کسی کی موت کا ذمہ دار ہو سکتا ہے یہ خیال اسے پل پل مارنے کے لیے کافی تھا۔
اس کی خاموشی پر چھوٹی ندا بہت افسردہ تھی۔ گرہ کھولنا چاہتی لیکن نجیب نہ خود کھلتا نہ اس کی خاموش گرہ۔ وہ تو سلگ رہا تھا۔ جیسے چپ چاپ لکڑی اپنی آخری آنچ پر ہو۔ سلگتی ہوئی اندر ہی اندر راکھ بنتی ہوئی۔
رات نو بجے کھانا کھا کے وہ ابھی کمرے میں آیا ہی تھا کہ دروازے پر دستک ہو ئی۔ نجیب کو معلوم تھا کہ ندا کے علاوہ کوئی نہیں ہو سکتا۔ اس لیے اس نے اندر آنے کا کہا۔ ندا نے آتے ہی کمر پر ہاتھ رکھ کر خفگی سے کہنا شروع کر دیا۔
’’بھائی مجھے سچ سچ ایک بات بتائیں۔‘‘
نجیب نے مسکرا کے بہن کو دیکھا اور اس کے دبدبے کو محسوس کیا۔
’’کون سی بات؟‘‘
’’یہ… زارا کون ہے؟‘‘
نجیب کا مسکراتا چہرہ سنجیدہ ہو گیا۔
’’بتائیں نا؟‘‘
نجیب نے بہ مشکل خود کو پرسکون کیا اور پوچھا۔
’’کیوں تمہیں کیا کہا ہے زارا بی بی نے؟‘‘
’’آپ اسے جانتے ہیں؟‘‘
ندا نے بہ غور نجیب کو دیکھا اور آنکھیں سکیڑیں۔
نجیب کو ندا کا یہ کھوجی انداز بہت بھلا لگتا۔ وہ ہنس کے بولا۔
’’تمہاری قسم۔ بالکل نہیں۔‘‘
’’تو پھر اس نے مجھے کیوں ریکوئسٹ بھیجی؟‘‘
’’تو بھیجنے دو۔ کوئی بات نہیں۔‘‘
’’پھر بھی پتا تو چلے؟‘‘
’’کیا پتا چلے۔‘‘
’’کہ وہ مجھے سیڑھی کیوں بنانا چاہتی ہے۔‘‘
’’لیکن تم بننا نہیں۔‘‘
نجیب سنجیدہ تھا۔
’’ٹھیک ہے۔‘‘
ندا نے اطمینان سے کہا۔
’’لیکن وہ مجھے ان باکس کر کے یہ کہتی ہے کہ وہ آپ سے بے حد محبت کرتی ہے۔ اس لیے میں اس کی یعنی زارا احمد ندا شاہ آپ سے سفارش کروں کہ آپ اس کی دوستی قبول کر لیں۔‘‘
نجیب کے چہرے پر سنجیدگی نمایاں ہو گئی۔ ندا نے اپنے اسی کھوجی انداز سے نجیب کو دیکھا۔
’’آپ جانتے ہیں زارا کو؟‘‘
نجیب نے ندا کے سر پر ہلکی سی چپت لگائی۔
’’میری جان میں اُسے بالکل نہیں جانتا۔‘‘
’’بھائی۔ اگر اچھی لڑکی ہے، تو کیا حرج ہے بات کر لیں۔‘‘
نجیب نے سنجیدہ اور دکھی مسکراہٹ سے کہا۔
’’تمہارے بھائی کو اچھے برے کی پہچان نہیں ہے۔ اس لیے وہ کیسے جان سکتا ہے کہ کون اچھا ہے کون بُرا؟‘‘
ندا حیرت سے نجیب کو دیکھنے لگی۔
نجیب نے اپنا دھیان ہٹایا۔
’’اب جاؤ میری گڑیا رانی۔ میں کچھ پڑھ لوں۔‘‘
’’کوئی آپ کی یونی کی ہو۔ ہو سکتا ہے کسی نے نام اور آئی ڈی بدل کے آپ کو اپروچ کرنا چاہا ہو۔‘‘ وہ ابھی تک زارا احمد ہی میں پھنسی ہوئی تھی۔
نجیب نے بے زاری سے کہا۔
’’تو میں کیا کروں۔ کرتا ہے تو کرے۔‘‘
ندا دوچار اور سوال پوچھ کے چلی گئی۔ نجیب نے بے چینی سے لیپ ٹاپ آن کیا اور میسنجر پر آئے زارا کے میسجز دیکھنے لگا۔ جسے وہ کئی دنوں سے اگنور کر رہا تھا۔ پڑھنے لگا۔
بیس دن پرانا ایک میسج تھا۔
’’کیا میں آپ کو فرینڈ ریکوئسٹ بھیج سکتی ہوں؟‘‘
اگلے دن سوال تھا۔
’’آپ نے جواب نہیں دیا۔‘‘
دو دن کے بعد پھر ایک میسج تھا۔
’’یہ تو میں جانتی ہوں آپ مغرور نہیں اور یہ بھی کہ لڑکیوں سے دوستی کرنا آپ کو بہت اچھا لگتا ہے، تو پھر مجھ سے کیوں گریز کر رہے ہیں۔
نجیب نے لمبی سانس لی۔ زارا کی ڈی پی بھی اس کے سامنے تھی۔ آنکھوں میں شوخی کے بہ جائے حزن تھا اور چہرے پر اداس مسکراہٹ۔
میسجز کے انداز میں جو والہانہ پن تھا۔
’’آپ میری بے بسی کا تماشا دیکھ رہے ہیں۔‘‘
وہ کیا کرے اس کی سمجھ میں نہیں آرہا تھا۔
نجیب میسجز پڑھ کے ڈر گیا تھا۔
’’پچھلے پورے ہفتے سے ایک ہی بات بار بار لکھی جا رہی تھی۔‘‘
’’Add me… Add me.‘‘
اس کی آنکھوں کے سامنے اندھیرا چھانے لگا۔ اسے یقین نہیں آرہا تھا کہ وہ اس قدر حساس ہو سکتا ہے۔
شاید جنت کی وجہ سے…یہ ایک سال پرانی بات تھی۔ نجیب نے جنت کا فیس بک اکاؤنٹ سرچ کیا اور جنت کی تصویر نکال لی۔ ہنستا مسکراتا زندگی سے بھرپور چہرہ آنکھیں جیسے کوئی ستارے ہوں۔ چمک دار ماتھا، خمیدہ پلکیں وہ مکمل حُسن تھی۔ کسی شاعر کا شعر۔ کسی دیوانے کا خواب۔کسی مصور کا تخیل۔
نجیب نے جنت کو ریکوئسٹ بھیجی تھی۔
’’add me.‘‘
ایک دن، دو دن، تین دن۔ وہ میسجز پر ’’ایڈ۔ می‘‘ کی تکرار کیے جا رہا تھا۔ کسی ضدی بچے کی طرح شوکیس میں پڑا جیسے اس کا من پسند کھلونا اس کی پہنچ سے دور ہو اور وہ ایڑھیاں اٹھا کر التجا کر رہا ہو۔ اسے حاصل کرنا چاہ رہا ہو۔
’’مجھے دے دو۔ مجھے دے دو۔‘‘
اور کوئی سن نہیں رہا۔
روزانہ وہ جنت کی وال کا چکر لگاتا۔ بالکل ایسے جیسے وہ اس کی گلی میں پھر کے آیا ہے۔ شاید دروازے سے۔ ٹیرس سے۔ کہیں دکھائی دے۔ کوئی جھلک، آنکھیں، بال، سراپا۔
پھر ایک روز جنت نے اس کی درخواست کو، اس کی التجا کو قبول کر لیا۔
اس کی خوشی کا ٹھکانہ نہیں رہا۔
سب سے پہلے نجیب نے یہ خوش خبری عبداللہ ہی کو تو سنائی تھی اور عبداللہ نے قہقہہ لگا کر کہا تھا۔ ’’یار تمہیں کسی ڈائری میں اپنی سہیلیوں کا بائیوڈیٹا ریکارڈ کرنا چاہیے۔ گینز بک والے مانگ سکتے ہیں۔‘‘
نجیب کا بے باک قہقہہ گونجا، بے لاگ، اپنی کام یابی پر اترایا فخریہ قہقہہ گونجا۔
٭…٭…٭

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

’’تیری دو ٹکیاں دی نوکری وے میرا لاکھوں کا ساون جائے۔‘‘ کوئی اور موقع ہوتا تو وہ لاحول ولا قوۃ پڑھتا اور چل دیتا، مگر کچھ لمحے بڑے طاقت ور ہوتے ہیں۔ اسیر کر لیتے ہیں۔ وہ پرندے جنہیں اپنی پرواز پر بڑا مان ہوتا ہے، وہ سب سے پہلے اسیر ہوتے ہیں۔ نہ جانے کیوں؟ رب کی حکمتیں رب ہی جانے۔ حمدان بھی اسیر کر لیا گیا تھا یا ہو گیا تھا، یہ تو وہی جانتا ہے۔ اس نے آسمان کی طرف پرنم آنکھوں سے دیکھا۔
جولائی کا وسط شروع ہو چکا تھا۔ حبس اور گرمی نے اچھے بھلے بندے کے ہوش ٹھکانے لگا دیے تھے۔ بادلوں کی آنکھ مچولی جاری تھی۔ بادل تو بادل محکمہ موسمیات والے اس سے بھی سوا تھے۔ پیشین گوئیاں کرتے رہ جاتے مگر وہ برس کے نہ دیتے۔ آتے، اپنی چھب دکھاتے اور پھر یہ جا وہ جا۔ حمدان کو یہ موسم سخت نا پسند تھا۔
’’پتا نہیں یہ شاعر اور مصنف قسم کے لوگوں کی عقلیں کہاں گھاس چرنے چلی جاتیں ہیں جو اس موسم کے گن گاتے نہیں تھکتے۔نری مصیبت، برس جائے تو بھی اور نا برسے تو بھی۔‘‘ حمدان بڑبرایا۔
بس اسٹاپ پر کھڑے بس کا انتظار کرتے حمدان پر جھنجلاہٹ سوار تھی۔
’’گرمی، حبس اور اوپر سے بس کا انتظار۔‘‘ ساتھ کھڑی لڑکی کی حسیات کچھ زیادہ ہی تیز تھیں جو آہستگی سے کی گئی بڑبڑاہٹ بھی بآسانی سن چکی تھی۔
’’مسٹر! آپ جو کوئی بھی ہیں، پلیز آپ ساون کی شان میں جتنی مرضی برائیاں کریں پر شاعروں اور مصنفوں کی بے عزتی مت کریں۔‘‘ رعنا اس کی بے ساختہ کی گئی بڑبڑاہٹ کا اچھا خاصا برا مان چکی تھی۔ اب اس کا نتیجہ یہ نکلا کہ اگلے بیس منٹ تک وہ اس کے سر پر سوار ہو چکی تھی۔ حمدان جو اپنے آپ میں رہنے والا ایک سنجیدہ سا نوجوان تھا، کو یہ بڑبڑاہٹ کافی مہنگی پڑچکی تھی۔ جب وہ چپ ہوئی تو اسے اندازہ ہوا کہ اردگرد کا موسم خاصا خوش گوار ہو چکا تھا اور دیکھتے ہی دیکھتے موسلا دھار بارش شروع ہو گئی۔ یک دم ہی فضا بدل گئی۔ بس اسٹاپ پر صرف وہ دونوں رہ گئے تھے۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});
’’تیری دو ٹکیاں دی نوکری وے میرا لاکھوں کا ساون جائے۔‘‘ رعنا کی آواز بے حد سریلی تھی۔ موسم کے سارے رنگ اس کی شوخ آواز میں سمٹ آئے تھے۔
’’بہت ہی بولڈ لڑکی ہے۔‘‘ اس نے دل میں سوچا۔ یہ ان دونوں کی پہلی ملاقات تھی۔
اس کے بعد اسے ساون کبھی برا نہ لگا۔ جب بھی فضا حبس آلود ہوتی، ایک سیاہ بالوں والی نٹ کھٹ سی لڑکی اپنی سریلی آواز میں گنگناتی۔ ’’تیری دوٹکیاں دی نوکری وے میرا لاکھوں کا ساون جائے۔‘‘ پھر ساری کلفت دور ہو جاتی۔ بن بادل برسات شروع ہو جاتی اور وہ اندر تک جل تھل ہو جاتا۔
پورا ایک سال گزر چکا تھا۔ رعنا پھر کبھی دکھائی نہ دی۔ اس کی نظریں انجانے میں اسے تلاشتی رہتیں۔ وہ یکسر بد ل چکا تھا۔ اس کی آنکھوں میں انتظارکے دیپ واضح دکھائی دیتے تھے۔ پھر قدرت کو اس پر رحم آگیا۔ و ہ اپنی بہن کی شادی کی شاپنگ کے لیے بہارہ کہو سے صدر آیا تھا۔ جب راستے میں ایک آئس کریم پارلر پروہ اسے اپنی سہیلیوں کے جھرمٹ میں دکھائی دی۔ وہی تھی۔ ہو بہو وہی۔ لمحے کے ہزارویں حصے میں وہ پہچان گیا تھا۔ پہچانتا کیسے نا، اس کی بنجر اور ویران زندگی میں کچھ رنگ آئے تھے تو اسی کے دم سے ورنہ وہ تو خاندان بھر میں سڑیل مشہور تھا۔ اب گاہ بہ گاہ اس کے لبوں پر مسکراہٹ آویزاں رہتی۔ اس سے پہلے کہ وہ کچھ اور سوچتاوہ آئس کریم پارلر میں گم ہو چکی تھی۔
’’مہندی لگے گی تیرے ہاتھ، ڈھولک بجے گی ساری رات۔‘‘ آواز نے جہاں اس کا دل جکڑا تھا وہیں اس کے قدم بھی جہاں تھے وہیں رہ گئے۔آج مہندی تھی۔ وہ کسی کام سے اندر آیا تو اس کے کانوں میں میں آواز گونجی۔تھوڑا اندر آیا تو وہ سامنے ہی دھنک رنگ کے ملٹی شیڈ کا چنری والا سوٹ پہنے ڈھولک بجارہی تھی۔
’’پر وہ یہاں کہاں… نئیں نئیں۔ اُف میں زیادہ ہی پاگل ہوگیا ہوں۔ اب مجھے الوژن بھی نظر آنا شروع ہوگئے ہیں۔‘‘ اس نے پل بھر کو سوچا اور آنکھوں کو مسلا۔ کبھی کبھی الوژن سچ بھی ہو جایا کرتے ہیں۔ وہ سچ میں اس کے گھر موجود تھی۔
’’ارے مسٹر! تم وہی ہو نا!جواس دن ساون کو کوس رہے تھے بس اسٹاپ پر؟‘‘ اور حمدان کا دھیان بس اس دن پر اٹک کے رہ گیا۔
’’اس دن نہیں ۔ یہ بات ایک سال پرانی ہے۔‘‘
’’ارے واہ! تم نے تو پورا حساب کتاب رکھا ہوا ہے۔‘‘ رعنا نے ایک بھر پور نظر اس پر ڈالی۔
’’کافی اسمارٹ دکھتے ہو۔ ہاں اگر تھوڑا ہنس لیا کرو۔‘‘ اس نے اس کے سنجیدہ چہرے پر چوٹ کی۔ وہ پتھر کا بت بنے کھڑا تھا۔ جب ہوش آیا تو وہ جا چکی تھی۔ پھر شادی کے تینوں دن وہ اسے دکھائی دیتی رہی۔ رنگ برنگ شوخ کپڑوں میں تتلی کی طرح کبھی اِدھر تو کبھی اُدھر۔ وہ صبا باجی کی فرینڈ تھی۔
رخصتی ہو چکی تھی۔ وہ بہت اُداس تھا۔ ایک ہی تو بہن تھی۔ اب وہ اور اماں گھر میں اکیلے رہ گئے تھے۔ یہ سب سوچ سوچ کراس کا دل اُداس ہو رہا تھا جب اس کی شوخ آواز سنائی دی۔
’’حمدان! آپ مجھے گھر چھوڑ آئیں گے؟ موسم کافی خراب ہے۔ بارش پتا نہیں کب شروع ہو جائے۔‘‘ اس کے خوب صورت صبیح چہرے پہ پریشانی کے آثار نمایاں ہوئے۔
’’جی جی میں چھوڑ آتا ہوں۔ آپ نے جانا کہاں ہے؟‘‘
’’مری روڈ پر۔‘‘اس نے مختصر جواب دیا۔
وہ بائیک پر ساتھ بیٹھی توحمدان کو لگا وہ ہواؤں میں اڑ رہا ہے۔ من چاہے ساتھی کا ساتھ، زندگی اتنی خوب صورت بھی ہو سکتی ہے، حمدان نے کبھی سوچا نہ تھا۔
’’ جی یہاں روک دیجیے بائیں طرف۔‘‘ وہ خیالوں کی دنیا میں محو تھا جب اس کی آواز سنائی دی۔
’’جی اچھا۔‘‘ یکایک بادل گرجے اور موسلادھار بارش شروع ہوگئی۔ مجبوراً اسے اس کے گھر رکنا پڑا۔ اس کا خیال تھا وہ کافی امیر گھر کی ہوگی پر وہ تو ہمارے جیسے ہی متوسط گھرانے سے تھی۔ یہ سوچ کر اس کی کچھ ہمت بندھی۔
’’حلیے سے تو میڈم یوں دکھتی ہیں جیسے کسی بہت امیر فیملی سے ہوں۔‘‘ اس نے سوچا۔ بارش رکنے کا نام نہیں لے رہی تھی۔ بالآخر اس نے جانے کی ٹھان لی۔
’’اچھا ٹھیک ہے، یہ چھتری لے لیں۔ کچھ بچت تو ہو گی۔‘‘ رعنا نے فکرمندی سے کہا۔ حمدان نے خداحافظ کہا اور چھتری تھام لی۔
حمدان کے پاؤں زمین پر نہیں ٹک رہے تھے۔ رعنا کا اس کے لیے پریشان ہونا،اسے چھتری پیش کرنا، مطلب وہ بھی میرے لیے…‘‘اسے لگا جیسے اسے کوئی کھوئی ہوئی دولت مل گئی ہو۔ وہ جلد ازجلد اسے اپنانا چاہتا تھا اور موقع کی تاک میں تھا کہ کب امی سے بات کرے۔ اسے خود تو بات کرنے کا حوصلہ نہ ہوا تو سوچا صبا باجی سے بات کی جائے۔ یہ سوچ کر وہ مطمئن ہو گیا۔
انتخابی مہم زوروں پر تھی۔ ہر جگہ الیکشن کے آثار نمایاں دکھائی دیتے۔ جلسے جلوس جاری تھے۔ شہر بھر میں ہائی الرٹ تھا۔ وہ امی کی دوائی لینے نکلا تھا جب وہ اسے ایک سیاسی جماعت کے جلسے میں ماڈرن لباس پہنے، چہرے پہ فلیگ پینٹ کیے رقص کرتے دکھائی دی۔ غم اور غصے سے اس کی مٹھیاں بھنچ گئیں مگر وہ دور کھڑا تھا۔ وہ کچھ کر نہیں سکتا تھا۔ کرنا تو دور کی بات کچھ کہہ بھی نہیں سکتا تھاکہ اس سے کوئی ایسا رشتہ نہ تھا۔

(adsbygoogle = window.adsbygoogle || []).push({});

(adsbygoogle = window.adsbygoogle || []).push({});