میٹھے بول

میٹھے بول
ضیاء اللہ محسن

جب بھی بچو بولو تم
لب اپنے جب کھولو تم

لہجہ ایسا، من کو بھائے
اور باتوں سے خوشبو آئے

منہ سے نکلیں میٹھے بول
بول بھی ایسے کہ انمول

گالی سے پرہیز کرو
مت آواز کو تیز کرو

کسی کا الٹا نام نہ لو
کسی کو تم الزام نہ دو

تب بدلے گا یہ ماحول
جب بولو گے میٹھے بول

میٹھا بول تو سنّت ہے
اسی میں اپنی جنت ہے

سنّت کو اپناتے جاؤ
میٹھے بول سناتے جاؤ

میٹھے بول کا اونچا تول
میٹھے بول بڑے انمول
٭…٭…٭