Amna Amna چلتا جا تُو الف نگر میں!
ضیاء اللہ محسن
چاند چکوری ہوتا بھیّا
تارے ہوتے گول
سورج چاچو لمبے ہوتے
کھمبے گول مٹول
چُوں چُوں چڑیا چارہ کھاتی
ٹھک ٹھک بجتا ڈھول
کہاں ہے ممکن؟ کیسے ممکن؟
پیارے بھیّا بول
چلتا جا تُو الف نگر کے بند دروازے کھول
بول بول تُو من کی باتیں بول
ہر ایک چیز سہانی ہے
کیا دلچسپ کہانی ہے
شانی، مانی بچے ہیں
اور بچوں کی نانی ہے
عینک والا اُلّو ہے
توتلا تیتر تانی ہے
جگ مگ جَو جَو جگنو بھیّا
ثمر کی گڑیا ثانی ہے
بی بی بطخو بڑی سیانی، بات کرے انمول
بول بول تُو من کی باتیں بول
