فکشن کی ۳۵ اقسام اور اشکال ۔ فکشن ۔ کمرشل رائٹنگ

فکشن کی ۵۳ اقسام اور اشکال

(1)مہم جو افسانے

ایسی کہانیاں جن میں کردار پُر خطر اور جوشیلے کارناموں میں ملوث ہوتے ہیں۔

(2) ائیر پورٹ ناول

یہ فکشن کی ایسی قسم ہے جو بین الاقوامی ائیر پورٹس پر دستیاب ہوتا ہے تاکہ فضائی مسافر، پرواز کے دوران کچھ دل چسپ اور معلوماتی تحریریں پڑھ سکیں۔

(3) مثالیہ

یہ ایسی کہانی ہے جس میں علامات کا سہارا لے کر انسانی فطرت سے متعلق سچ اجاگر کیا جا تا ہے۔

(4) بلڈنگزرومن(Bildungsroman)

وہ کہانی جو کسی کردار کی جذباتی اور اخلاقی نشوونما بیان کرتی ہو۔

(5) بلیک کامیڈی

فکشن کی ایسی قسم جس میں مزاح کسی سانحے یا حادثے سے اخذ کیا گیا ہو۔

(6) مزاحیہ

مزاحیہ کہانی وہ ہوتی ہے جس میں لوگوں کو خوش کرنے کے لئے مختلف حالات و واقعات کو اس طرح پیش کیا جاتا ہے کہ پڑھنے والے کے ہونٹوں پر ہنسی لے آئیں۔

(7) مزاحیہ ڈرامہ

ایسی کہانی جس میں مزاح اور سنجیدگی دونوں پائی جاتی ہیں۔

(8) سوانگ بھرا مزاح

فکشن کی اس قسم میں مزاح ،تکلیف دہ حالات اور اتفاقات سے کشید کیا جاتا ہے۔اس میں کسی کردار کو درپیش مسئلے کو مزاحیہ طریقے سے حل کیا جاتا ہے۔

(9) مزاحِ اخلاقیات 

یہ مزاح کی وہ قسم ہے جس میں کسی مخصوص طبقے اور ان میں پائے جانے والی عادات کا مذاق بنایا جائے۔

(10) جرم کی کہانیاں

جرائم اور مجرمان سے متعلقہ تفتیشی کہانیاں۔

(11) جاسوسی کہانیاں

ایک ایسی کہانی جس میں ہیرو کسی جرم کے بارے میں تفتیش کر رہا ہو۔

(12) رزمیہ

بنیادی طور پر یہ ایک طویل نظم ہے جس میںکسی افسانوی ہیروکا تذکرہ پایا جاتا ہے لیکن اب نثر میں بھی اس طرز کی کہانیاں کہی جا رہی ہیں۔

(13) مکتوبائی کہانیاں

یہکہانیاں ان تمام خطوط پر مشتمل ہوتی ہیں جو کرداروں کے مابین متبادل ہوتے ہیں۔

(14) تصوراتی کہانیاں

وہ کہانیاں ہیں جن میں تصوراتی مخلوق اس دنیا کے کاموں میں ملوث ہوتی ہے یا دیومالائی اور مافوق الفطرت مخلوق کے بارے میں کہانیاں۔

(15) افسانوی خودنوشت

ایک ایسی کہانی جس میں کوئی کردار کسی دوسرے کے زندگی میں ہونے والے واقعات کا گواہ بن کر خود کہانی کہے۔

(16) افسانوی سرگزشت

کسی کی زندگی کی کہانی بیان کرنا سرگزشت کہلاتا ہے۔

(17) افسانوی نوع کی کہانی

ایسی فارمولا کہانیاں جو ادبی طور پر نہیں بلکہ زبان کی چاشنی کے لیے مخصوص جاسوسی یا مہم جویانہ طرز پر لکھی جائیں۔

(18)گوتھک فکشن

وہ کہانیاں جو عجیب و غریب اور خطرناک واقعات کا مجموعہ ہوں اور داستان گوئی کی طرز پر بیان کی جائیں۔

(19) ڈراوﺅنی کہانیاں

ایسی کہانیاں جن میں خوف اور ڈر کا عنصر پیدا کیا جاتا ہے اس مقصد کے لیے بعض اوقات مافوق الفطرت مخلوق کا سہارا بھی لیا جاتا ہے۔

(20) میلوڈرامہ

وہ تحریریں جن میں اثر پیدا کرنے کے لیے جذباتی انداز اختیار کیا جائے۔ فکشن کی اس قسم میں عموماً چھوٹی سی بات کو رائی کا پہاڑ بنا کر پیش کیا جاتا ہے۔

(21) پُر اسرار فکشن

ان میں سربستہ بھیدوں اور پُراسرار واقعات کو ڈرامائی انداز میں پیش کیا جاتا ہے۔

(22) فنِ لطیفہ

ایسا اندازِ بیاں جس میں حالات و واقعات ،دوسرے فن پاروں سے لیے گئے ہوں۔ کسی مشہور فنکار کی زندگی یا کارکردگی سے لیے گئے ہوں۔

(23) غنڈوں اور بدمعاشوں کی کہانیاں©

ایسی کہانیاں جن میں کسی غنڈے یا بدمعاش کو ہیرو بنا کر پیش کر دیا جائے۔

(24) مضحکہ خیز نقل

فکشن کی ایسی قسم جس میں کسی مشہور فنکار، اسٹائل یا نوع کا مذاق اڑایا جائے۔

(25) رومانی کہانیاں

رومانی کہانیاں محبت کی داستانیں بیان کرتی ہیں جن میں کرداروں کو محبت کی راہ میں حائل مختلف قسم کی رُکاوٹوں اور ظالم سماج کا سامنا کرتے دکھاتے ہیں۔

(26) رومانی مزاح

ایسی ہلکی پھلکی تحریر جس میں محبت کہانی کو مزاح میں لپیٹ کر پیش کیا جائے۔

(27) ہلہ گلہ والی کہانیاں

ایسی کہانی جس میں وقتی تفریح کے لیے ہلہ گلہ سے بھرپور مزاحیہ داستان پیش کی گئی ہو۔

 

(28) طنزیہ کہانی

ایسی کہانی جو انسانی فطرت اور جذبات جیسا کہ غصہ، غرور اور لالچ پر طنز کرتی نظر آئے۔

(29) سائنس فکشن

ایسی کہانیاں جن میں انسانی زندگیوںمیں سائنس اور ٹیکنالوجی کا عمل دخل دکھایا جاتا اور یہ کہ وہ کیسے نوعِ انسانی پر اثر انداز ہوتی ہیں۔

(30) سنکی کہانیاں

ایسی کہانیاں جن میں کچھ ناممکن حالات و واقعات دکھائے جائیں اور ان سے مزاح کشید کیا جائے۔

(31) لڑنے مرنے پر تیار(Swashbuckler)

ایسی کہانیاں جن میں ہیرو کسی نیک مقصد کے لئے لڑنے مرنے پر تیار ہوتے ہوئے اپنی جان پر کھیل کر کسی کی مدد کرے۔

(32) سنسنی خیز ناول

تجسس، سنسنی اور جوش جیسے عناصر سے بھرپور کہانی۔

(33) المیہ کہانی

غمگین اور اداس کہانی جس میں مختلف المیہ اور غم ناک قسم کے واقعات رونما ہوتے ہیں۔

(34) ٹریجک کامیڈی

ایک ایسی کہانی جس میں طربیہ اور المیہ انداز ملا کر لکھے گئے ہوں۔

(35) سفرنامہ

فکشن کی اس قسم میں مصنف کسی علاقے یا ملک کا سفر اختیار کرتا اور وہاں کے بارے میں سیرحاصل معلومات قارئین تک پہنچاتا ہے۔