محمدۖ کے جیسا نہیں کوئی بھی
محمد ارسلان اللہ خان
نہیں بعد اُن ۖ کے کوئی بھی نبی
یہ امُّت بھی ہے امُّتِ آخری
جو گُزرے اطاعت میں سرکار ۖ کی
بہت قابلِ رشک ہے زندگی
بتایا انہوں نے کہ رب ایک ہے
نہیں اس سے بڑھ کر کوئی آگہی
جو چاہے کوئی رب کا محبوب ہو
خُدا کے نبی ۖ کی کرے پیروی
جو آقاۖکے نقشِ قدم پہ چلا
وہ پائے گا دونوں جہاں میں خوشی
حقیقت یہی ہے کہ بعدِ خُدا
محمد ۖ کے جیسا نہیں کوئی بھی
یہی ارسلاں! مُصطفیٰ ۖ نے کہا
کرو ایک اللہ کی بندگی
٭…٭…٭